«2006 жылы ақылы қоғамдық жұмыстарды ұйымдастыру туралы»
Астана қаласы әкімдігінің 2006 жылғы 9 қаңтардағы № 23-10-34қ Қаулысы
Астана қаласы Әкімдігінің 2007 жылғы 5 қаңтардағы № 23-8қ Қаулысымен күші жойылды
«Халықты жұмыспен қамту туралы» Қазақстан Республикасының Заңына, «Халықты жұмыспен қамту туралы» 2001 жылғы 23 қаңтардағы Қазақстан Республикасының Заңын іске асыру жөніндегі шаралар туралы» 2001 жылғы 19 маусымдағы № 836 Қазақстан Республикасы Үкіметінің қаулысына сәйкес халықты жұмыспен қамтамасыз етуге мемлекеттік кепілдік беру жүйесін кеңейту мақсатында, Астана қаласының әкімдігі ҚАУЛЫ ЕТЕДІ:
1. Қоса беріліп отырған жұмыссыздар мен оқитын жастар үшін 2006 жылы ақылы қоғамдық жұмыстар ұйымдастырылатын кәсіпорындар мен ұйымдардың тізімі бекітілсін.
2. «Алматы» және «Сарыарқа» аудандарының әкімдері «Астана қаласының Жұмыспен қамту және әлеуметтік бағдарламалар департаменті» мемлекеттік мекемесімен бірігіп, 2005 жылы қолайлы жұмыс іздеуде қиындық көріп жүрген жұмыссыздар үшін ақылы қоғамдық жұмыстар ұйымдастырсын.
3. Ақылы қоғамдық жұмыстармен қамтылатын жұмыссыздардың және оқитын жастардың еңбекақы төлемі 2006 жылы белгіленген ең төменгі еңбекақыдан төмен емес айлық еңбекақы көлемінде аталған кәсіпорындағы немесе ұйымдағы баға бойынша деректі орындалған жұмысқа жергілікті бюджет қаражаты есебінен жүргізілсін.
4. «Астана қаласының Жұмыспен қамту және әлеуметтік бағдарламалар департаменті» мемлекеттік мекемесі халықты, сондай-ақ қаланың кәсіпорындары мен ұйымдары қоғамдық жұмыстардың ұйымдастырылуы, өткізілуі мен олардың төлем тәртібі жөнінде хабардар етуді қамтамасыз етсін.
