Жер үсті көздеріндегі су ресурстарын пайдаланғаны үшін төлемақы ставкілерінің 2007 жылға арналған мөлшерін бекіту туралы
Ақтөбе облыстық мәслихатының 2007 жылғы 4 сәуірдегі № 343 шешімі
Ақтөбе облыстық мәслихатының 2008.26.03. № 52 шешімімен күші жойылды
Қазақстан Республикасының Су Кодексінің 38 бабының 5) тармақшасына және Қазақстан Республикасының «Салық және бюджетке төленетін басқа да төлемдер туралы» Кодексінің 454 бабының 1 тармағына сәйкес облыстық мәслихат ШЕШІМ ЕТЕДІ:
1. Қосымшаға сәйкес жер үсті көздеріндегі су ресурстарын пайдаланғаны үшін төлемақы ставкілерінің 2007 жылға арналған мөлшері бекітілсін.
2. «Ақтөбе облысының табиғи ресурстар және табиғатты пайдалануды реттеу департаменті» ММ, аудандар және Ақтөбе қаласының әкімдері жер үсті көздеріндегі су ресурстарын пайдаланғаны үшін төлемақы ставкілерінің мөлшерін төлеушілерге жеткізсін және бұрын қабылданған нормативті құқықтық актілер осы шешімге сәйкестендірілсін.
3. Облыстық мәслихаттың Ақтөбе облысының әділет департаментінде 2005 жылғы 25 тамызда № 3158 тіркелген 2005 жылғы 4 тамыздағы № 175 «Жер үсті көздеріндегі су ресурстарын пайдаланғаны үшін төлемақы ставкілерінің мөлшерін бекіту туралы» шешімінің күші жойылды деп танылсын.
