«Қостанай қаласының 2007 жылға арналған бюджеті туралы» Мәслихаттың
2006 жылғы 12 желтоқсандағы № 320 шешіміне өзгерістер енгізу туралы
Қостанай облысы Қостанай қалалық мәслихатының 2007 жылғы 9 сәуірдегі № 348 шешімі
«Қазақстан Республикасындағы жергілікті мемлекеттік басқару туралы» Қазақстан Республикасы Заңының 6-бабы 1-тармағы 1)-тармақшасына сәйкес және Қостанай қаласы әкімдігінің қаулысын қарап, Қостанай қалалық Мәслихаты ШЕШТІ:
1. «Қостанай қаласының 2007 жылға арналған бюджеті туралы» Мәслихаттың 2006 жылғы 12 желтоқсандағы № 320 шешіміне (мемлекеттік тіркеу нөмірі 9-1-61, 2007 жылғы 9 қаңтардағы № 2 «Қостанай» газеті, бұрын «Қостанай қаласының 2007 жылға арналған бюджеті туралы» Мәслихаттың 2006 жылғы 12 желтоқсандағы № 320 шешіміне өзгерістер мен толықтырулар енгізу туралы» Мәслихаттың 2007 жылғы 18 қаңтардағы № 329 шешімімен өзгерістер енгізілген, мемлекеттік тіркеу нөмірі 9-1-63, 2007 жылғы 6 ақпандағы № 10 «Қостанай» газеті) мына өзгерістер енгізілсін:
Аталған шешімнің 1-тармағы жаңа редакцияда жазылсын:
«1. 2007 жылға арналған қалалық бюджет 1-қосымшаға сәйкес мынадай көлемде бекітілсін:
1) Кірістер 10328043 мың теңге, оның ішінде мыналар бойынша:
салықтық түсімдер 7402568 мың теңге;
салықтық емес түсімдер 39490 мың теңге;
негізгі капиталды сатудан түсетін түсімдер 1144226 мың теңге;
трансферттер түсімдері 1741759 мың теңге;
2) шығыстар 11263262 мың теңге;
3) операциялық сальдо -935219 мың теңге;
4) таза бюджеттік несиелеу 5544 мың теңге, оның ішінде бюджеттік несиелерді өтеу 5544 мың теңге;
5) қаржы активтерімен жасалатын операциялар бойынша сальдо 1000 мың теңге;
6) тапшылық -930675 мың теңге;
7) тапшылықты қаржыландыру 930675 мың теңге».
Аталған шешімнің 7-тармағы жаңа редакцияда жазылсын:
«7. Қостанай қаласы әкімдігінің 2007 жылға арналған резерві 1000 мың теңге сомасында бекітілсін, оның ішінде:
шұғыл шығындарға арналған ауданның (облыстық маңызы бар қаланың) жергілікті атқарушы органның резерві 1000 мың теңге көлемінде;»
