2007 жылдың сәуір-маусым және қазан-желтоқсан айларында азаматтарды
мерзімді әскери қызметке кезекті шақыруды өткізу туралы
Ақмола облысы әкімдігінің 2007 жылғы 30 сәуірдегі № А-5/148 қаулысы
2001 жылдың 23 қаңтардағы «Қазақстан Республикасындағы жергілікті мемлекеттік басқару туралы», 2005 жылдың 8 шілдедегі «Әскери міндеттілік және әскери қызмет туралы» Қазақстан Республикасының Заңдарына сәйкес, «Әскери қызметті белгіленген мерзімін атқарған, мерзімді әскери қызметтегі әскери қызметшілерді запасқа шығару туралы және Қазақстан Республикасының азаматтарын 2007 жылдың сәуір-маусымында және қазан-желтоқсанда кезекті мерзімді әскери қызметке шақыру туралы» Қазақстан Республикасы Президентінің 2007 жылғы 17 сәуірдегі № 318 Жарлығына сәйкес облыс әкімдігі қаулы етеді:
1. Аудандардың, Көкшетау және Степногорск қалаларының әкімдіктері шақыру комиссияларын құрып, олардың қызметін қамтамасыз етсін, сондай-ақ медициналық техникалық және басқа қызметкерлерді қатыстырсын.
2. Көкшетау мен Степногорск қалаларының және аудандардың шақыру комиссияларының жұмыстарына бақылау жасау және басшылық ету үшін облыстық шақыру комиссиясы қосымшаға сәйкес құрамда құрылсын.
3. «Ақмола облысының денсаулық сақтау департаменті» мемлекеттік мекемесінің директоры шақыруды өткізу басталғанға дейін қалалық, аудандық және облыстық медициналық комиссияларды жоғары білікті дәрігер мамандармен, орташа медициналық қызметкерлермен жабдықтасын, әскерге шақырылатын азаматтарды кезектен тыс медициналық бақылаудан және стационарлық тексеруден өткізу үшін емдеу мекемелерінен қажетті төсек орын санын бөлсін.
4. Шақырылушыларға сапалы медициналық куәландыру өткізу мақсатында облыстық медициналық комиссияның келесі жергілікті әскери басқару органдарына сапарлары ұйымдастырылсын: Атбасар қаласына (Атбасар ауданы) 2007 жылдың 22-25 сәуірі және 12-15 қазаны аралығында, Көктал кентіне (Астана қаласы) 2007 жылдың 26-30 сәуірі және 16-20 қазаны аралығында.
