«Банктің және банк холдингінің ірі қатысушысы мәртебесін иеленуге
келісімді беру, қайтарып алу Ережесін бекіту туралы»
Қазақстан Республикасы Қаржы нарығын және қаржы ұйымдарын реттеу
мен қадағалау агенттігі Басқармасының 2006 жылғы 9 қаңтардағы № 3 Қаулысы
(2007.30.03. берілген өзгерістер мен толықтыруларымен)
Осы редакция 2007 ж. 30 сәуірдегі енгізілген өзгерістеріне дейін қолданылды
Екінші деңгейдегі банктердің қызметін реттейтін нормативтік құқықтық актілерді жетілдіру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы қаулы етеді:
1. Ұсынылып отырған Банктің және банк холдингінің ірі қатысушысы мәртебесін иеленуге келісімді беру, қайтарып алу Ережесі бекітілсін.
2. Мыналардың күші жойылды деп танылсын:
1) "Екінші деңгейдегі банктің немесе банк холдингінің ірі қатысушысы мәртебесін иеленуге келісім беру тәртібі туралы Ережесін бекіту туралы" Қазақстан Республикасының Ұлттық Банкі Басқармасының 2001 жылғы 25 маусымдағы № 255 қаулысы (нормативтік құқықтық актілерді мемлекеттік тіркеу тізілімінде № 1611 тіркелген);
2) "Қазақстан Республикасының Әділет министрлігінде № 1611 тіркелген "Екінші деңгейдегі банктің немесе банк холдингінің ірі қатысушысы мәртебесін иеленуге келісім беру тәртібі туралы Ережесін бекіту туралы" Қазақстан Республикасының Ұлттық Банкі Басқармасының 2001 жылғы 25 маусымдағы № 255 қаулысына өзгерістер мен толықтырулар енгізу туралы" Қазақстан Республикасы Ұлттық Банкінің 2003 жылғы 27 қазандағы № 376 қаулысы (нормативтік құқықтық актілерді мемлекеттік тіркеу тізілімінде № 2587 тіркелген, "Казахстанская правда" газетінде 2003 жылғы 10 желтоқсанда № 355-356 (24295-24296) жарияланған).
3. Осы қаулы Қазақстан Республикасының Әділет министрлігінде мемлекеттік тіркелген күннен бастап он төрт күн өткеннен кейін қолданысқа енеді.
4. Банктерді қадағалау департаменті (Раева Р.Е.):
1) Заң департаментімен (Байсынов М.Б.) бірлесіп осы қаулыны Қазақстан Республикасының Әділет министрлігінде мемлекеттік тіркеу шараларын қолға алсын;
