2007 жылға арналған Алматы қаласының бюджеті туралы
ІІІ сайланған Алматы қаласы мәслихатының XXVІІ сессиясының
2006 жылғы 14 желтоқсандағы № 303 шешімі
(2007.02.04. берілген өзгерістер мен толықтыруларымен)
Осы редакция 2007 жылғы 3 шілдедегі енгізілген өзгерістеріне дейін қолданылды
ІІІ сайланған Алматы қаласының мәслихаты шешім етті:
ІІІ сайланған Алматы қаласы мәслихатының XXVІІІ сессиясының 2007.15.01. № 324; XXІХ сессиясының 2007.02.04. № 329 (бұр. ред. қара) шешімдерімен 1-тармақ жаңа редакцияда
1. Алматы қаласының 2007 жылға арналған бюджеті 1 қосымшаға сәйкес мынадай мөлшерде бекітілсін:
1) кірістер - 191 534 696 мың теңге, оның ішінде:
салықтық түсімдер - 125 488 939 мың теңге;
салықтық емес түсімдер - 1 924 712 мың теңге;
негізгі капиталды сатудан түсетін түсімдер - 17 970 000 мың теңге;
республикалық бюджеттен түсетін трансферттер - 46 151 045 мың теңге;
2) шығындар - 198 253 437 мың теңге;
3) операциялық сальдо - -6 718 741 мың теңге;
4) таза бюджеттік кредит беру - -1 354 256 мың теңге, оның ішінде:
бюджеттік кредиттерді өтеу - 1 354 256 мың теңге;
5) қаржы активтерімен жасалатын операциялар бойынша сальдо - -218 430 мың теңге, оның ішінде:
қаржы активтерін сатып алу - 543 663 мың теңге;
мемлекеттің қаржы активтерін сатудан түсетін түсімдер - 762 093 мың теңге;
6) бюджет тапшылығы - -5 146 055 мың теңге;
7) бюджет тапшылығын қаржыландыру - 5 146 055 мың теңге, оның ішінде:
қарыздар түсімі -6 544 900 мың теңге;
қарызды өтеу - 7 476 395 мың теңге;
бюджет қаражаты қалдықтарының қозғалысы - 6 077 550 мың теңге.
2. Алматы қаласы бюджетінің кірістері мынадай салықтар мен түсімдер есебінен құралады деп белгіленсін:
-жеке табыс салығынан;
-әлеуметтік салықтан;
-заңды және жеке тұлғалардың мүлігіне салынатын салықтардан;
-жер салығынан;
-бірыңғай жер салығынан;
-заңды және жеке тұлғалардың көлік құралдарына салынатын салықтардан;
-Қазақстан Республикасының аумағында өндірілген алкоголь өнімдеріне (оның ішінде араққа, ликер-арақ бұйымдарына, шарапқа, коньякқа, шампан шараптарына, сыраға, күшейтілген сусындарға) берілген акциздерден;
