Жамбыл облысының ауыл шаруашылығы тауар өндірушілерін облыстық бюджеттен несиелеу Ережесін бекіту туралы
Жамбыл облыстық Әкімиятының 2006 жылғы 29 маусымдағы № 167 қаулысы
(2007.08.11. берілген өзгерістер мен толықтыруларымен)
Жамбыл облыстық Әкімиятының 2014 жылғы 30 қаңтардағы № 2 Қаулысымен күші жойылды
Жамбыл облыстық Әкімиятының 2007.27.09. № 205 қаулысымен кіріспе өзгертілді (бұр.ред.қара)
Қазақстан Республикасының Бюджет Кодексінің 172 бабына сәйкес және Қазақстан Республикасы Үкіметінің 2007 жылғы 20 наурыздағы «Республикалық және жергілікті бюджеттердің атқарылу Ережесін бекіту туралы» № 225 қаулысына сәйкес Жамбыл облысының әкімияты ҚАУЛЫ ЕТЕДІ:
1. Жамбыл облысы ауыл шаруашылығы тауар өндірушілерін бюджеттен несиелеу үшін қоса беріліп отырған Ережесі бекітілсін.
2. Осы Қаулының орындалуын бақылау облыс Әкімінің орынбасары Е.Ө.Үсенбаевқа жүктелсін.
Жамбыл облысы әкімиятының
2006 жылғы 29 маусымдағы
№ 167 қаулысымен бекітілген
Жамбыл облыстық Әкімиятының 2007.27.09. № 205 қаулысымен бүкіл мәтін бойынша Ереже өзгертілді (бұр.ред.қара)
Жамбыл облысының ауыл шаруашылығы тауар өндірушілерін
Облыстық бюджеттік несиелеу
Ережесі
1. Жалпы ережелер
1. Осы Ереже ауыл шаруашылығы жобаларын облыстық бюджеттен бюджеттік несиелеу тәртібін белгілейді.
2. Облыстық бюджеттен берілетін қаржы облыстық мәслихаттың шешімімен бекітілген тиісті бюджеттік бағдарламалармен анықталған мақсаттарға және сомалар шегінде орта мерзімді кредиттер түрінде бөлінеді.
3. Ауыл шаруашылығы жобаларын бюджеттік несиелеудің негізгі шарты, кредит алушының мүдделерін қорғауды қамтамасыз ету, кредиттік қауіп-қатердің туындауын барынша азайту сондай-ақ кредиттерді осы Ережеде қарастырылған мақсаттарға бағыттау болып табылады.
Жамбыл облыстық Әкімиятының 2007.27.09. № 205 қаулысымен 4-тармақ өзгертілді (бұр.ред.қара)
