ҚР Көлік және коммуникация министрінің 2010 жылғы 26 қаңтардағы № 32 бұйрығымен күші жойылды
Қазақстан Республикасы
Көлік және коммуникация
министрі міндетін атқарушының
2007 жылғы 27 қарашадағы
№ 251 бұйрығымен
Бекітілген
«Темір жол жылжымалы құрамын тіркеу» мемлекеттік қызметін көрсету
СТАНДАРТЫ
1. Жалпы ережелер
1. Осы стандарт қызметтің аталған түрін мемлекеттік реттеу, көліктік қызмет рыногінің қызметін қамтамасыз ету және оларды тұтынушылардың мүддесін қорғау, темір жол жылжымалы құрамының бірыңғай мемлекеттік деректер банкін және жұмысқа қабілеттігін құру, қозғалыс қауіпсіздігі талаптарын сақтау мақсатында темір жол көлігімен жолаушыларды, жүктерді және багаждарды тасымалдау жөніндегі қызметте пайдаланылатын темір жол жылжымалы құрамын тіркеу бойынша мемлекеттік қызмет көрсетуді ұсыну (бұдан әрі - мемлекеттік қызмет) тәртібін белгілейді.
2. Көрсетілетін мемлекеттік қызметтің нысаны: ішінара автоматтандырылған.
3. Мемлекеттік қызмет «Темір жол көлігі туралы» Қазақстан Республикасы Заңының 9-бабының, «Қазақстан Республикасында темір жол жылжымалы құрамын тіркеу ережесін бекіту туралы» Қазақстан Республикасы Көлік және коммуникациялар министрінің 2002 жылғы 11 шілдедегі (Нормативтік құқықтық актілерді мемлекеттік тіркеу тізілімінде № 1948 нөмірмен тіркелген) № 240-І бұйрығының негізінде көрсетіледі.
4. Мемлекеттік қызметті Қазақстан Республикасы Көлік және коммуникация министрлігі Көліктік бақылау комитетінің облыстар және Астана, Алматы қалалары бойынша аумақтық органдары (бұдан әрі - КББ) көрсетеді (осы стандартқа 1-қосымша).
5. Мемлекеттік қызмет көрсетуді аяқтау нысаны темір жол жылжымалы құрамын тіркеу туралы куәлік беру болып табылады.
6. Мемлекеттік қызмет Қазақстан Республикасында тіркелген жеке және заңды тұлғаларға, сондай-ақ Қазақстан Республикасының аумағындағы шетел заңды тұлғаларына, шетел азаматтарына, азаматтығы жоқ тұлғаларға және халықаралық ұйымдарға (бұдан әрі - өтініш беруші) көрсетіледі.
7. Мемлекеттік қызмет мынадай мерзімдерде ұсынылады:
