2008 жылға арналған облыстық бюджет туралы
Ақмола облыстық мәслихатының 2007 жылғы 5 желтоқсандағы № 4С-3-4 шешімі
Осы редакция 2008 жылғы 5 наурыздағы енгізілген өзгерістеріне дейін қолданылды
2004 жылғы 24 сәуірдегі Қазақстан Республикасының Бюджеттік кодексінің 63 бабына, 2001 жылғы 23 қаңтардағы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 6 бабының 1 тармағының 1 тармақшасына сәйкес және Ақмола облысы әкімдігінің 2007 жылғы 27 қарашадағы № А-12/389 қаулысына байланысты Ақмола облыстық мәслихаты ШЕШІМ ЕТТІ:
1. 2008 жылға арналған облыстық бюджет 1 қосымшаға сәйкес келесі көлемдерде бекітілсін:
1) кірістер - 55 605 954 мың теңге, оның ішінде:
салықтық түсімдер бойынша - 5 759 475 мың теңге;
салықтық емес түсімдер - 11 611 мың теңге;
трансферттердің түсімдері - 49 834 868 мың теңге:
2) шығындар - 53 698 688 мың теңге;
3) операциялық сальдо - 1 907 266 мың теңге;
4) таза бюджеттік несиелер - 2 406 566 мың теңге, оның ішінде:
бюджеттік несиелер - 3 201 810 мың теңге;
бюджеттік несиелердің өтелуі - 795 244 мың теңге;
5) қаржы активтері бойынша сальдо - - 300 мың теңге;
мемлекеттің қаржылық активтерін сатудан түсімдер - 300 мың теңге;
6) бюджет дефициті (профициті) - -499 000 мың теңге;
7) бюджет дефицитін каржыландыру (профицитті пайдалану) - 499 000 мың теңге.
2. Облыстық бюджетке, аудандардың, Көкшетау және Степногорск қалаларының бюджеттеріне кірістерді бөлудің нормативтері келесі мөлшерде белгіленсін:
1) облыстық бюджетке төлем көздеріне салынатын кірістердің жеке табыс салығы бойынша - 100%;
2) аудандардың, Көкшетау және Степногорск қалаларының бюджеттеріне әлеуметтік салық бойынша - 100%.
3. Келесі көздердің есебінен облыстық бюджеттің кірістері бекітілсін:
1) салықтық түсімдер, оның ішінде:
төлем көздеріне салынатын, кірістердің жеке табыс салығынан;
жер бетіндегі су көздерінің су ресурстарын пайдаланғаны үшін төлемдер;
орман пайдаланғаны үшін төлемдер;
қоршаған ортаға эмиссиялар үшін төлемдер;
2) салықтық емес түсімдерден, оның ішінде:
