ҚР СТ 1666-2007
Магистральдық газ құбыры бойынша жеткізілетін және тасымалданатын табиғи жанғыш газдар
Мазмұны
1 Қолданылу саласы
2 Нормативтік сілтемелер
3 Терминдер мен анықтамалар
4 Талаптар
5 Газдарды жеткізу және тасымалдау кезіндегі қауіпсіздікке қойылатын талаптар
Қосымша (анықтамалық) Библиография
SUB1001 Қолданылу саласы
Осы стандарт кәсіпшіліктен, газ өңдейтін зауыттар мен жерасты газ қоймаларынан жеткізілетін және магистральдық газ құбырлары бойынша тасымалданатын табиғи жанғыш газдарға, тауарлық мұнай газдары мен газбен жабдықтайтын және газ өткізетін ұйымдарға магистральдық газ құбырлары бойынша тасымалданатын газдарға (бұдан әрі - газдар) таратылады.
Стандарт газдарды жеткізу және тасымалдау кезінде олардың физика - химиялық көрсеткіштері мен қауіпсіздігіне қойылатын талаптарды, сондай-ақ газдарды қабылдау ережесін белгілейді.
Стандарт бас ғимаратта, газ өңдеуші зауыттарда өңдеу үшін кен орындарынан жеткізілетін газдарға және газды тікелей кен орнынан, зауыттан немесе ЖГҚ алатын жеке тұтынушыларды газбен қамтамасыз етуге арналған газдарға таратылмайды.
2 Нормативтік сілтемелер
Осы стандартта мынадай нормативтік құжаттарға сілтемелер пайдаланылды:
ГОСТ 12.1.044-89 ЕҚСЖ. Заттар мен материалдардың өрт жарылыс қауіптілігі. Көрсеткіштер атаутізімі мен оларды анықтау әдістері.
ГОСТ 12.1.011-78 ЕҚСЖ. Жарылыс қауіпті қоспалар. Жіктеу және сынау әдістері.
ГОСТ 16350-80 ССРО климаты. Техникалық мақсаттар үшін климаттық факторларды аудандыру және статистикалық параметрлері.
ГОСТ 18917-82 Табиғи жанғыш газдар. Сынамаларды іріктеу әдістері.
ГОСТ 20060-83 Табиғи жанғыш газдар. Су булары мен ылғал шығы нүктесінің болуын анықтау әдістері.
ГОСТ 20061-84 Табиғи жанғыш газдар. Көмірсутектерінің шық нүктесі температурасын анықтау әдісі.
ГОСТ 22387.2-83 Табиғи жанғыш газдар. Күкірт сутегін және меркаптанды күкіртті анықтау әдістері.
ГОСТ 23781-87 Табиғи жанғыш газдар. Анықтаудың хроматографиялық әдісі.
ГОСТ 22667-82. Табиғи жанғыш газдар. Жану жылуын, салыстырмалы тығыздықты және Воббе санын анықтаудың есептелген әдісі.
ГОСТ 12.1.007-76 ЕҚСЖ. Зиянды заттар. Жіктеу және қауіпсіздіктің жалпы талаптары.
