Мемлекеттік материалдық резервтің материалдық құндылықтарын шығаруға наряд беру ережесін бекіту туралы
Қазақстан Республикасы Төтенше жағдайлар министрінің 2008 жылғы 11 желтоқсандағы № 208 Бұйрығы
ҚР Төтенше жағдайлар министрінің 2011 жылғы 26 желтоқсандағы № 531 бұйрығымен күші жойылды
«Мемлекеттік материалдық резерв туралы» Қазақстан Республикасының 2000 жылғы 27 қарашадағы Заңына және Қазақстан Республикасы Үкіметінің 2002 жылғы 21 ақпандағы № 237 қаулысымен бекітілген Мемлекеттік материалдық резервтің материалдық құндылықтарына операция жүргізу ережесінің 16-1 тармағына сәйкес БҰЙЫРАМЫН:
1. Қоса беріліп отырған Мемлекеттік материалдық резервтің материалдық құндылықтарын шығаруға наряд беру ережесі бекітілсін.
2. Қазақстан Республикасы Төтенше жағдайлар министрлігі Мемлекеттік материалдық резервтер комитеті осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін.
3. Осы бұйрық алғашқы ресми жарияланған күнінен бастап он күнтізбелік күн өткен соң қолданысқа енгізіледі.
Қазақстан Республикасы
Төтенше жағдайлар министрінің
2008 жылғы 11 желтоқсанда
№ 208 бұйрығымен
бекітілген
Мемлекеттік материалдық резервтің материалдық құндылықтарын шығаруға наряд беру ережесі
1. Жалпы ереже
1. Осы Ереже Мемлекеттік материалдық резервтің (бұдан әрі - мемлекеттік резерв) материалдық құндылықтарын шығаруға наряд берудің ұйымдастырушылық-құқықтық негізін белгілейді және «Мемлекеттік материалдық резерв туралы» Қазақстан Республикасының Заңына, Қазақстан Республикасы Үкіметінің 2002 жылғы 21 ақпандағы № 237 қаулысымен бекітілген Мемлекеттік материалдық резервтің материалдық құндылықтарына операция жүргізу ережесіне және өзге де нормативтік-құқықтық актілерге сәйкес әзірленді.
