Атырау облысы бойынша облыстық маңызы бар автомобиль жолдарының бөлінген белдеулерінде сыртқы (көрнекі) жарнаманы орналастырғаны үшін төлемақыларды бекіту туралы
Атырау облыстық мәслихатының 2008 жылғы 23 шілдедегі № 112-IV шешімі
Осы редакция 2008 жылғы 12 желтоқсандағы енгізілген өзгерістеріне дейін қолданылды
Қазақстан Республикасының 2001 жылғы 23 қаңтардағы № 148-II «Қазақстан Республикасындағы жергілікті мемлекеттік басқару туралы» Заңының 6-бабына және Қазақстан Республикасының «Салық және бюджетке төленетін басқа да міндетті төлемдер туралы» (Салық кодексі) 2001 жылғы 12 маусымдағы № 209 Кодексінің 491-бабының 2 тармағына сәйкес, ІV шақырылған облыстық мәслихат VІІ сессиясында шешім етеді:
1. Осы шешімнің 1 қосымшасына сәйкес Атырау облысы бойынша облыстық маңызы бар автомобиль жолдарының белдеулерінде сыртқы (көрнекі) жарнаманы орналастырғаны үшін салық төлемақылары бекітілсін.
2. Осы шешімнің орындалуын бақылау облыстық мәслихаттың бюджет, қаржы, экономика, кәсіпкерлікті дамыту, аграрлық мәселелер және экология жөніндегі тұрақты комиссиясына (М.Шырдабаев) жүктелсін.
3. Осы шешім Атырау облысы бойынша Әділет департаментінен тіркеуден өткен күннен бастап күшіне енсін.
