Ақтау қаласы бойынша халықты жұмыспен қамту жүйесін жетілдіру жөніндегі 2008-2010 жылдарға арналған іс-шаралар жоспарын орындау шаралары туралы
Маңғыстау облысы Ақтау қаласы әкідігінің 2008 жылғы 29 желтоқсандағы № 1343 қаулысы
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы», 2001 жылғы 23 қаңтардағы «Халықты жұмыспен қамту туралы» Заңдарына сәйкес және Қазақстан Республикасы Үкіметінің 2007 жылғы 20 қарашадағы № 1114 «Қазақстан Республикасының халықты жұмыспен қамту жүйесін жетілдіру жөніндегі 2008-2010 жылдарға арналған іс-шаралар жоспарын бекіту туралы» қаулысын жүзеге асыру мақсатында, қала әкімдігі ҚАУЛЫ ЕТЕДІ:
1. Ақтау қаласы бойынша халықты жұмыспен қамту жүйесін жетілдіру жөніндегі 2008-2010 жылдарға арналған іс-шаралар жоспарын жүзеге асыру мақсатында, бекітілсін:
1) Халықтың нысаналы топтарына жататын адамдардың қосымша тізбесі 1 қосымшаға сәйкес;
2) 2009 жылға мамандықтар тізбесі мен жұмыссыздарды кәсіби даярлау, біліктілігін арттыру және қайта даярлауға жұмсалатын шығын мөлшері 2 қосымшаға сәйкес;
3) 2009 жылға жұмыссыздар үшін қоғамдық жұмыстар ұйымдастыратын шаруашылық субъектілерінің тізбесі, қоғамдық жұмыс түрлері мен көлемі, қатысушылардың еңбекақы мөлшері мен оларды қаржыландыру көздері 3 қосымшаға сәйкес;
4) 2009 жылы халықтың нысаналы топтары үшін әлеуметтік жұмыс орындарын құрушы немесе беруші шаруашылық субъектілерінің тізбесі 4 қосымшаға сәйкес бекітілсін.
2. Шаруашылық субъектiлерiнiң басшыларына нысаналы топқа жататын жұмыссыз адамдарды Ақтау қалалық жұмыспен қамту және әлеуметтiк бағдарламалар бөлiмiнiң жолдамаларымен жұмысқа қабылдауға ұсыныс жасалсын.
3. Осы қаулының орындалуын бақылау қала әкімінің орынбасары Т.К.Хитуовке жүктелсін.
4. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.
| Қала әкімі | С. Бекбергенов |
«КЕЛІСІЛДІ»:
«Қалалық жұмыспен қамту және
