Осы редакция 2009 жылғы 11 ақпандағы енгізілген өзгерістеріне дейін қолданылды
Қазақстан Республикасы
Әділет министрінің м.а.
2007 жылғы 12 қазандағы
№ 288 бұйрығына
5-қосымша
Мемлекеттік қызмет көрсетудің
СТАНДАРТЫ
«Халыққа қызмет көрсету орталықтары арқылы жылжымайтын мүлікке
тіркелген құқықтар (ауыртпалықтарды) және оның техникалық
сипаттамалары туралы анықтама беру»
1. Жалпы ережелер
1. Осы стандарт халыққа қызмет көрсету орталықтары арқылы жылжымайтын мүлікке тіркелген құқықтар (ауыртпалықтарды) және оның техникалық сипаттамалары туралы анықтама берудің тәртібін анықтайды (бұдан әрі - мемлекеттік қызмет).
2. Көрсетілетін мемлекеттік қызметтің нысаны: ішінара автоматтандырылған.
3. Мемлекеттік қызмет «Жылжымайтын мүлікке құқықтарды және онымен жасалатын мәмілелерді мемлекеттік тіркеу туралы» Қазақстан Республикасы Заңының, Қазақстан Республикасы Әділет министрінің міндетін атқарушысының 2007 жылғы 24 тамыздағы № 239 «Құқықтық кадастрдан ақпарат ұсыну ережесін бекіту туралы» бұйрығы (Нормативтік құқықтық актілердің мемлекеттік тізілімінде № 4926 болып тіркелген) негізінде жүзеге асырылады.
4. Мемлекеттік қызмет аумақтық әділет органдарымен (бұдан әрі - уәкілетті орган) халыққа қызмет көрсету орталықтары (бұдан әрі - Орталық) арқылы көрсетіледі.
5. Мемлекеттік қызметті көрсетудің аяқтау нысаны жылжымайтын мүлікке тіркелген құқықтар (ауыртпалықтарды) және оның техникалық сипаттамалары туралы анықтама беру болып табылады.
6. Мемлекеттік қызмет заңды және жеке тұлғаларға көрсетіледі.
7. Мемлекеттік қызмет көрсету кезіндегі уақыт бойынша шектеу мерзімдері:
1) жылжымайтын мүлікке тіркелген құқықтар (ауыртпалықтары) және оның техникалық сипаттамалары туралы анықтама жазбаша сұрау келіп түскен сәттен бастап 3 жұмыс күні ішінде беріледі;
2) құжаттарды тапсырған кезде кезекте күту уақыты 40 минуттан аспайды.
8. Мемлекеттік қызмет тегін көрсетіледі.
