Сәйкестікті бағалау
Шағым арыздар мен шағынулар
Принциптер мен талаптар, қарау тәртібі
ҚР СТ 3.10-2007
Мазмұны
1 Қолданылу саласы
2 Нормативтік сілтемелер
3 Терминдер мен анықтамалар
4 Шағым арыздар мен шағынуларды қарау принциптері
5 Шағым арыздар мен шағынуларды ңарау кезіндегі міндетті талаптар
6 Шағым арыздар мен шағынуларды карау тәртібі
Қосымша. Библиография
1 Қолданылу саласы
Осы стандарт сәйкестікті бағалау саласында Қазақстан Республикасының мемлекеттік техникалық реттеу жүйесінің субъектілерімен шағым арыздар мен шағынуларды қарау тәртібіне қойылатын жалпы принциптер мен талаптарды қамтиды.
Осы стандарт аккредиттеу органдарына, сәйкестікті растау жөніндегі аккредиттелген органдарға, сынау зертханаларына (орталықтарына), сарапшы-аудиторларға, сондай-ақ сәйкестікті бағалау қызметіне қатысатын заңды және жеке тұлғаларға арналған.
2 Нормативтік сілтемелер
Осы стандартта мына нормативтік құжаттарға сілтемелер қолданылды:
ҚР СТ 1.1-2005 Қазақстан Республикасының Мемлекеттік техникалық реттеу жүйесі. Стандарттау және сабақтас қызмет түрлері. Терминдер мен анықтамалар.
ҚР СТ ИСО 9000 - 2007 Сапа менеджментінің жүйесі. Негізгі ережелер мен сөздік.
3 Терминдер мен анықтамалар
Осы стандартта ҚР СТ 1.1, ҚР СТ ИСО 9000 [1], [2] сәйкес терминдер мен анықтамалар қолданылады.
Ескертпе - Осы стандартта «орган» термині [2] анықталғандай аккредиттеу органын немесе сәйкестікті бағалау органын білдіреді.
4 Шағым арыздар мен шағынуларды қарау принциптері
4.1 Шағым арыздар мен шағынуларды қарау кезінде негізгі принциптер:
- өтінішкерлердің құқықтары мен занды мүдделерін сақтау кепілдіктері;
- қарау кезінде бюрократизм мен сөзбұйдаларға жол бермеу болып табылады;
4.2 Шағым арыздар мен үндеулер бойынша тиімді шешім қабылдау орган, оның өтінішкерлері және сәйкестікті бағалау саласындағы қызметтердің басқа қатысушылары үшін қателерден, кемшіліктерден немесе дұрыс емес шешімдерден қорғаудың мәнді құралы болып табылады. Сәйкестікті бағалау саласында қызметке сенімділік, шағым арыздар мен шағынулар лайықты түрде және белгіленген мерзімде қаралған жағдайда қамтамасыз етіледі.
