Ядролық қауіпсіздік туралы
конвенция
(Вена қ., 1994 жылғы 17 маусымда)
ҚР 2010 жылғы 3 ақпандағы № 245-IV Заңымен ратификацияланды
ҚР үшін 2010 жылғы 8 маусымда күшіне енді
Кіріспе
1-тарау. Мақсаты, айқындамалары және қолданылу аясы (1-3-баптар)
2-тарау. Міндеттемелер
а) Жалпы ережелер (4-6- баптар)
b) Заңнама және реттеу (7-9-баптар)
с) Қауіпсіздікке қатысты жалпы ұғыныстар (10-16-баптар)
d) Қондырғылардың қауіпсіздігі (17-19-баптар)
3-тарау. Уағдаласушы тараптардың кеңестері (20-28-баптар)
4-тарау. Қорытынды баптар және басқа да ережелер (29-35-баптар)
Кіріспе
Уағдаласушы тараптар
і) ядролық энергияны пайдаланудың қауіпсіз, жақсы реттелген және экологиялық жағынан ұтымды болуын қамтамасыз етудің халықаралық қоғамдастық үшін маңызды мәні бар екендігін ескере отырып;
іі) бүкіл әлемде ядролық қауіпсіздіктің жоғары деңгейін ұстауға тұрақты түрде жәрдемдесу қажеттілігін растай отырып;
ііі) ядролық қауіпсіздік үшін жауапкершіліктің заңдық құзырында ядролық қондырғы бар мемлекетке жүктелетінін растай отырып;
іv) ядролық қауіпсіздіктің тиімді мәдениетіне жәрдемдесуді қалай отырып;
v) ядролық қондырғылардағы аварияның трансшекаралық әсер ететін әлеуеті бар екендігін ескере отырып;
vі) Ядролық материалды физикалық қорғау туралы конвенцияны (1979 жыл), Ядролық авария туралы жедел хабарландыру туралы конвенцияны (1986 жыл) және Ядролық авария немесе радиациялық авариялық жағдайдағы көмек туралы конвенцияны (1986 жыл) назарға ала отырып;
vіі) қолданыстағы екі жақты және көп жақты тетіктердің және осы қозғаушы Конвенцияның қабылдануының негізінде ядролық қауіпсіздікті нығайту үшін халықаралық ынтымақтастықтың маңызды мәнін растай отырып;
