Инфокоммуникация саласын дамыту мәселелерін қарау бойынша кеңес құру туралы
Қазақстан Республикасы Ақпараттандыру және байланыс агенттігі Төрағасының 2010 жылғы 3 ақпандағы № 33 бұйрығы
Қазақстан Республикасы Үкіметінің 2003 жылғы 22 шілдедегі № 724 қаулысымен бекітілген Қазақстан Республикасы Ақпараттандыру және байланыс агенттігі туралы ереженің 21 - тармағының 10) тармақшасына сәйкес және инфокоммуникация саласын жетілдіру және дамыту мәселелерін қарау мақсатында, БҰЙЫРАМЫН:
1. Қоса беріліп отырған:
1) Инфокоммуникация саласын дамыту мәселелерін қарау бойынша кеңестің (бұдан әрі - ІТ-компаниялар кеңесі) құрамы;
2) ІТ-компаниялар кеңесі туралы ереже бекітілсін.
2. Қазақстан Республикасы Ақпараттандыру және байланыс агенттігінің Ақпараттық технологиялар департаменті (Қ.Б. Елеусізова):
1) осы бұйрықты Қазақстан Республикасы Ақпараттандыру және байланыс агенттігінің интернет-ресурсында орналастырсын;
2) ІТ-компаниялар кеңесінің мүшелелеріне осы бұйрықты мәлімет етсін.
3. Осы бұйрықтың орындалуын бақылау Қазақстан Республикасы Ақпараттандыру және байланыс агенттігі төрағасының орынбасары Е.Д. Дурмағамбетовке жүктелсін.
4. Осы бұйрық қол қойылған күнінен бастап күшіне енеді.
Қазақстан Республикасы
Ақпараттандыру және байланыс
агенттігі төрағасының
2010 жылғы 3 ақпандағы
№ 5 бұйрығымен бекітілген
Инфокоммуникация саласын дамыту мәселелерін
қарау бойынша кеңесі туралы ереже
1. Жалпы ережелер
1. Инфокоммуникация саласын дамыту мәселелерін қарау бойынша кеңес (бұдан әрі - ІТ-компаниялар кеңесі) Қазақстан Республикасы Ақпараттандыру және байланыс агенттігі жанындағы инфокоммуникация саласындағы (бұдан әрі - ІТ-саласы) мемлекеттік саясатты жетілдіру бойынша ұсыныстарды әзірлеуді жүзеге асыратын консультациялық-кеңес органы болып табылады.
