«Объектілерді республикалық меншіктен Ақмола облысының коммуналдық меншігіне беру туралы» Қазақстан Республикасы Үкіметінің 2010 жылғы 16 наурыздағы № 210 Қаулысы

Объектілерді республикалық меншіктен Ақмола облысының коммуналдық меншігіне беру туралы
Қазақстан Республикасы Үкіметінің 2010 жылғы 16 наурыздағы № 210 Қаулысы

«Мемлекеттік мүлікті мемлекеттік меншіктің бір түрінен екінші түріне беру ережесін бекіту туралы» Қазақстан Республикасының 2003 жылғы 22 қаңтардағы № 81 қаулысына сәйкес Қазақстан Республикасының Үкіметі ҚАУЛЫ ЕТЕДІ:

1. Ақмола облысы әкімінің «Щучье-Бурабай курорттық аймағының Щучье көліндегі туристік ойын-сауық кешені (инфрақұрылым). Щучинск қаласындағы сыртқы су құбыры, кәріз, электрмен жабдықтау және су тазарту станциясының желілері (1-кезек)» объектісінің осы қаулыға қосымшаға сәйкес сыртқы сумен жабдықтау және кәріз желілерін (бұдан әрі - сыртқы желілер) Қазақстан Республикасы Президенті Іс басқармасының теңгерімінен республикалық меншіктен Ақмола облысының коммуналдық меншігіне беру туралы ұсынысы қабылдансын.