Орал қаласының аумағын абаттандыру Ережесін» бекіту туралы
Батыс Қазақстан облысы Орал қаласы мәслихаттың 2007 жылғы 13 маусымдағы № 46-14 шешімі
Осы редакция 2010 жылғы 12 наурызда енгізілген өзгерістеріне дейін қолданылды
Қазақстан Республикасының «Қазақстан Республикасындағы жергілікті мемлекеттік басқару туралы» Заңының 6-бабы, 1-тармағының 8-тармақшасына және Қазақстан Республикасының «Әкімшілік құқық бұзушылық туралы» Кодексінің 3-бабының 2-тармағына сәйкес Орал қалалық мәслихаты ШЕШІМ ЕТТІ:
1. Қоса беріліп отырған «Орал қаласының аумағын абаттандыру Ережесі» бекітілсін.
2. Орал қалалық мәслихатының 2006 жылғы 21 желтоқсандағы № 39-15 «Орал қаласының аумағын абаттандыру Ережесін» бекіту туралы» шешімі жойылсын.
3. Осы шешім ресми жарияланған күннен бастап күшіне енеді.
| Орал қалалық мәслихатының кезекті 46-сессиясының төрайымы | |
| Орал қалалық мәслихатының хатшысы | |
Орал қалалық мәслихатының
2007 жылғы 13 маусымдағы
№ 46-14 шешімімен
бекітілді
Орал қаласының аумағын абаттандыру
Ережесі
1. Жалпы ережелер
1. Осы «Орал қаласының аумағын абаттандыру Ережесі» (әрі қарай - Ереже), Қазақстан Республикасының «Әкімшілік құқық бұзушылық туралы» Кодексінің, Қазақстан Республикасының «Қазақстан Республикасындағы жергілікті мемлекеттік басқару туралы», «Тұрғын үй қатынастары туралы», «Қазақстан Республикасындағы сәулет, қала құрылысы және құрылыс қызметі туралы» Заңдарына және Қазақстан Республикасының басқа да нормативтік-құқықтық актілеріне сәйкес әзірленді.
Ереже Орал қаласында абаттандыру саласында жеке және заңды тұлғалардың қарым-қатынасын реттейді және жауапкершілігін анықтайды және меншік нысанына, жалгерлердің, құрылыс жүргізушілердің, ғимараттардың, құрылыстардың және құрылғылардың иелеріне немесе азаматтығына қарамастан барлық шаруашылық жүргізу құқығындағы субъектілерге орындауға міндетті болып табылады.
