Қазақстан Республикасының бастауыш, негізгі орта және жалпы орта білім берудің мемлекеттік жалпыға міндетті стандартын
және типтік білім беру оқу бағдарламаларын бекіту туралы
Қазақстан Республикасы Білім және ғылым министрінің міндетін атқарушының 2010 жылғы 9 шілдедегі № 367 бұйрығы
Қазақстан Республикасы «Білім туралы» Заңының 5-тармағының 6) тармақшасына сәйкес БҰЙЫРАМЫН:
1. Бекітілсін:
1) Бастауыш, негізгі орта және жалпы орта білім берудің мемлекеттік жалпыға міндетті стандарты. ҚР МЖБС 2.003-2010 (бұдан әрі - МЖБС), осы бұйрықтың 1-қосымшасына сәйкес;
2) Бастауыш, негізгі орта және жалпы орта білім берудің жалпы білім беретін пәндері бойынша типтік білім беру оқу бағдарламалары, осы бұйрықтың 2, 3, 4, 5 - қосымшаларына сәйкес.
2. Мектепке дейінгі және орта білім департаменті (Н.Р. Аршабеков) осы бұйрықты облыстық, Астана және Алматы қалалық білім беру басқармаларына, республикалық жалпы білім беретін білім беру ұйымдарына жеткізсін.
3. Ы. Алтынсарин атындағы Ұлттық білім академиясы (Т.О. Балықбаев) аталған МЖБС-н және бастауыш, негізгі орта және жалпы орта білім берудің жалпы білім беретін пәндері бойынша типтік білім беру оқу бағдарламаларын баспадан шығару мен көбейтуді қамтамасыз етсін.
4. Облыстық, Астана және Алматы қалалық білім беру басқармалары, республикалық жалпы білім беретін білім беру ұйымдары жұмыста осы бұйрықты басшылыққа алсын.
5. Күші жойылсын:
1) Қазақстан Республикасы Білім және ғылым министрінің 2002 жылғы 24 қыркүйектегі № 693 «Қазақстан Республикасы жалпы орта білім берудің мемлекеттік жалпыға міндетті стандарттарын бекіту туралы» бұйрығы;
2) Қазақстан Республикасы Білім және ғылым министрінің 2003 жылғы 11 наурыздағы № 148 «Қазақстан Республикасы жалпы білім беретін мектептерінің 1 - 7-сыныптарына арналған жалпы білім беретін пәндердің оқу бағдарламаларын бекіту туралы» бұйрығы;
