Орталық мемлекеттік органдар мен облыстардың, республикалық маңызы бар қаланың, астананың жергілікті атқарушы
органдары қызметінің тиімділігін жыл сайынғы бағалау жөніндегі сараптама комиссиясының жұмыс органы
Қазақстан Республикасы Байланыс және ақпарат министрлігінің кіші тобы туралы
Қазақстан Республикасы Байланыс және ақпарат министрінің 2010 жылғы 23 шілдедегі № 152 бұйрығы
Қазақстан Республикасы Президенті Әкімшілігі Басшысының 2010 жылгы 14 сәуірдегі № 01-39.31 бұйрығымен бекітілген «Орталық мемлекеттік органдар мен облыстардың, республикалық маңызы бар қаланың, астананың жергілікті атқарушы органдары қызметінің тиімділігін жыл сайынғы бағалау жүйесі туралы» Қазақстан Республикасы Президентінің 2010 жылғы 19 наурыздағы № 954 Жарлығын іске асыру жөніндегі іс-шаралар жоспарының 16-тармағын орындау барысында БҰЙЫРАМЫН:
1. Қоса беріліп отырған:
1) Орталық мемлекеттік органдар мен облыстардың, республикалық маңызы бар қаланың, астананың жергілікті атқарушы органдары қызметінің тиімділігін жыл сайынғы бағалау жөніндегі сараптама комиссиясының жұмыс органы Қазақстан Республикасы Байланыс және ақпарат министрлігінің кіші тобының құрамы;
2) Орталық мемлекеттік органдар мен облыстардың, республикалық маңызы бар каланың, астананың жергілікті атқарушы органдары қызметінің тиімділігін жыл сайынғы бағалау жөніндегі сараптама комиссиясының жұмыс органы Қазақстан Республикасы Байланыс және ақпарат министрлігінің кіші тобы туралы ережесі бекітілсін.
2. «Орталық мемлекеттік органдар мен облыстардың, республикалық маңызы бар қаланың, астананың жергілікті атқарушы органдары қызметінің тиімділігін жыл сайынғы бағалау жүйесі туралы» Қазақстан Республикасы Президентінің 2010 жылғы 19 наурыздағы № 954 Жарлығын іске асыру туралы» Қазақстан Республикасы Байланыс және ақпарат министрінің 2010 жылғы 6 мамырдағы № 26 бұйрығының 1 тармағы 2-тармақшасының күші жойылды деп танылсын.
3. Осы бұйрықтың орындалуын бақылау Қазақстан Республикасы Байланыс және ақпарат вице-министрі С.С. Сарсеновке жүктелсін.
4. Осы бұйрық қол қойылған күнінен бастап күшіне енеді.
