Тараз қаласында иттер мен мысықтарды ұстау ережелерін бекіту туралы
Жамбыл облысы Тараз қалалық мәслихатының 2010 жылғы 25 маусымдағы № 30-9 Шешімі
Тараз қалалық мәслихатының 2011 жылғы 27 маусымдағы № 5-8 Шешімімен күші жойылды
«Әкімшілік құқық бұзушылық туралы» Қазақстан Республикасының 2001 жылғы 30 қаңтардағы Кодексінің 3-бабының 2 тармағына және 311- бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабының 1 тармағының 8) тармақшасына сәйкес, Тараз қалалық мәслихаты ШЕШТІ:
1. Қоса беріліп отырған Тараз қаласында иттер мен мысықтарды ұстау ережелері бекітілсін.
2. Осы шешім Әділет органдарында мемлекеттік тіркелген күннен бастап күшіне енеді және алғаш ресми жарияланғаннан кейін күнтізбелік он күн өткен соң қолданысқа енгізіледі.
Қалалық мәслихат сессиясының төрайымы | Д. Қожамжарова |
Қалалық мәслихаттың хатшысы | Ө. Байшығашев |
2010 жылғы 25 маусымдағы № 30-9
Тараз қалалық мәслихаттың
шешімімен бекітілген
Тараз қаласында иттер мен мысықтарды ұстау
ережелерi
1-тарау. Жалпы ережелер
1. Осы Ережелер Тараз қаласында мысықтар мен иттерді ұстауды белгілеу мақсатында әзірленген.
2. Ережелер меншік түріне қарамастан иттер мен мысықтарды ұстайтын барлық жеке және заңды тұлғаларға тарайды.
3. Осы Ережелер «Әкімшілік құқық бұзушылық туралы» Қазақстан Республикасының 2001 жылғы 30 қаңтардағы Кодексінің 3-бабының 2-тармағына және 311-бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабының 1 тармағының 8) тармақшасына сәйкес әзірленген.
2-тарау. Иттерді және мысықтарды ұстау тәртібi
4. Иттер және мысықтар жеке ветеринарлық төлқұжатын беру жолымен сәйкестендіріледі.
