«Маңғыстау облысының жетекші спортшыларын ай сайын ақшалай қамтуды белгілеу туралы»
Маңғыстау облысы әкімдігінің 2008 жылғы 11 наурыздағы № 171 қаулысына өзгерістер енгізу туралы
Маңғыстау облысы әкімдігінің 2010 жылғы 23 тамыздағы № 318 қаулысы
Маңғыстау облысы әкімдігінің 2012 жылғы 8 мамырдағы № 85 Қаулысымен күші жойылды
«Дене шынықтыру және спорт туралы» 1999 жылғы 2 желтоқсандағы, «Қазақстан Республикасындағы жергілікті мемлекеттік басқару және өзін - өзі басқару туралы» 2001 жылғы 23 қаңтардағы Қазақстан Республикасының заңдарына сәйкес және кадрлық өзгерістерге байланысты, облыс әкімдігі ҚАУЛЫ ЕТЕДІ:
1. «Маңғыстау облысының жетекші спортшыларын ай сайын ақшалай қамтуды белгілеу туралы» Маңғыстау облысы әкімдігінің 2008 жылғы 11 наурыздағы № 171 қаулысына (Нормативтік құқықтық кесімдерді мемлекеттік тіркеу тізілімінде № 2008 болып тіркелген, «Маңғыстау» газетінде 2008 жылғы 8 сәуірде № 55 жарияланған) мынадай өзгерістер енгізілсін:
көрсетілген қаулының мемлекеттік тілдегі кіріспесіне өзгерістер енгізілді, орыс тіліндегі мәтіні өзгермейді;
«1999 жылғы 2 желтоқсан «Дене тәрбиесі және спорт туралы» Қазақстан Республикасының Заңына сәйкес,» деген сөздер ««Дене шынықтыру және спорт туралы» Қазақстан Республикасының 1999 жылғы 2 желтоқсандағы Заңына сәйкес,» деп жазылсын;
көрсетілген қаулының қосымшасы осы қаулының қосымшасына сәйкес жаңа редакцияда жазылсын.
2. Осы қаулының орындалуын бақылау облыс әкімінің орынбасары Қ.Б. Жұмашевқа жүктелсін.
