Жер учаскелерін ауыстыру туралы
Қазақстан Республикасы Үкіметінің 2010 жылғы 18 қарашадағы № 1214 Қаулысы
Қазақстан Республикасының 2003 жылғы 20 маусымдағы Жер кодексінің 2-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Осы қаулыға қосымшаға сәйкес Қазақстан Республикасы Қорғаныс министрлігінің мемлекеттік мекемелеріне бұрын қорғаныс мұқтажы үшін берілген жалпы алаңы 1448,4145 гектар жер учаскелері өнеркәсіп, көлік, байланыс, қорғаныс және өзге де ауыл шаруашылығы мақсатына арналмаған жерлер санатынан елді мекендердің жері мен босалқы жер санатына ауыстырылсын.
2. Осы қаулы қол қойылған күнінен бастап қолданысқа енгізіледі.
Қазақстан Республикасының Премьер-Министрі | К. Мәсімов |
Қазақстан Республикасы
Үкіметінің
2010 жылғы 18 қарашадағы
№ 1214 қаулысына
қосымша
Елді мекендердің жері мен босалқы жер санатына ауыстырылатын өнеркәсіп, көлік, байланыс,
қорғаныс және өзге ауыл шаруашылығы мақсатына арналмаған жердің
экспликациясы
Р/с № | Ауыстырылатын жердің жалпы алаңы, гектар | оның ішінде жер санаттарына | Жер учаскесінің орналасқан жері | Ауыстырылатын жер учаскесінің нысаналы мақсаты |
елді мекендердің жері, гектар | босалқы жер, гектар |
1 | 2 | 3 | 4 | 5 | 6 |
1. | 59,2 | - | 59,2 | Алматы облысы, Кербұлақ ауданы | 16529 әскери бөлімнің (№ 5 әскери қалашық) иеліктен шығарылған мүліктік кешендеріне қызмет көрсету және пайдалану үшін |
2. | 425,01 | - | 425,01 | Алматы облысы, Кербұлақ ауданы | 07209 әскери бөлімнің (№ 4 әскери қалашық) иеліктен шығарылған ғимараттары мен құрылыстарына қызмет көрсету және пайдалану үшін |
