Заңды тұлғалар - Алматы қаласының өңірлік қаржы орталығының қатысушыларын
мемлекеттік тіркеу (қайта тіркеу) Ережесін бекіту туралы
Қазақстан Республикасы Алматы қаласының өңірлік қаржы орталығының қызметін реттеу агенттігі басқармасының
2007 жылғы 2 шілдедегі № 02-02/158 Бұйрығы
(2010.23.02. берілген өзгерістер мен толықтыруларымен)
Осы редакция 2010 жылғы 30 қарашада енгізілген өзгерістеріне дейін қолданылды
Қазақстан Республикасының «Алматы қаласының өңірлік қаржы орталығы туралы», «Заңды тұлғаларды мемлекеттік тіркеуден өткізу және филиалдар мен өкілдіктерді есептік тіркеу туралы» және «Идентификациялық нөмірлердің ұлттық реестрлері туралы» Заңдарын жүзеге асыру мақсатында, БҰЙЫРАМЫН:
1. Қоса беріліп отырған Заңды тұлғалар - Алматы қаласының өңірлік қаржы орталығының қатысушыларын тіркеу (қайта тіркеу) Ережесі бекітілсін.
2. «Заңды тұлғалар - Алматы қаласының өңірлік қаржы орталығының қатысушыларын мемлекеттік тіркеу (қайта тіркеу) Ережесін бекіту туралы» Алматы қаласының өңірлік қаржы орталығының қызметін реттеу агенттігі Төрағасының 2006 жылғы 13 қыркүйектегі № 11 Бұйрығының (№ 264 2006 жылдың 27 қазанында «Егемен Қазақстан» газетінде, № 238 2006 жылдың 28 қазанында «Казахстанская правда» газетінде жарияланған, нормативтік-құқықтық актілерді мемлекеттік тіркеу реестрінде № 4416 тіркелген) күші жойылды деп саналсын.
3. Бизнес-идентификациялық нөмірдің 2007 жылдың 13 тамызында берілетіні анықталсын.
4. Қазақстан Республикасы Алматы қаласының өңірлік қаржы орталығының қызметін реттеу агенттігінің (әрі қарай-Агенттік) тіркеу Департаментіне:
1) осы бұйрықтың Қазақстан Республикасы Әділет министрлігінде мемлекеттік тіркелуіне шаралар қолданылсын;
