«Орман қоры жерінің жекелеген учаскесін басқа санаттағы жерге ауыстыру туралы» Қазақстан Республикасы Үкіметінің 2010 жылғы 30 желтоқсандағы № 1476 қаулысы

Орман қоры жерінің жекелеген учаскесін басқа санаттағы жерге ауыстыру туралы
Қазақстан Республикасы Үкіметінің 2010 жылғы 30 желтоқсандағы № 1476 қаулысы

Қазақстан Республикасының 2003 жылғы 20 маусымдағы Жер кодексінің 130-бабына және Қазақстан Республикасының 2003 жылғы 8 шілдедегі Орман кодексінің 51-бабына сәйкес Қазақстан Республикасының Үкіметі ҚАУЛЫ ЕТЕДІ:

1. Осы қаулыға қосымшаға сәйкес Оңтүстік Қазақстан облысы Табиғи ресурстар және табиғатты пайдалануды реттеу басқармасы «Бадам орман және жануарлар әлемін қорғау жөніндегі мемлекеттік мекеме» мемлекеттік мекемесінің орман қоры жерінен ауданы 47,1 гектар жер учаскесі өнеркәсіп, көлік, байланыс, қорғаныс және өзге де ауыл шаруашылығы мақсатына арналмаған жерлер санатына ауыстырылсын.

2. Осы қаулының 1-тармағында көрсетілген жер учаскесі қорғаныс мұқтажы үшін тұрақты жер пайдалану құқығында Қазақстан Республикасы Қорғаныс министрлігінің «Шымкент аудандық пайдалану бөлімі» мемлекеттік мекемесіне берілсін.