2011 жылы Көкшетау қаласында қоғамдық жұмыстарды ұйымдастыру туралы
Ақмола облысы Көкшетау қаласы әкімдігінің 2011 жылғы 16 ақпандағы № А-2/283 Қаулысы
Ақмола облысы Көкшетау қаласы әкімдігінің 2014 жылғы 31 қаңтардағы № А-1/207 Қаулысымен күші жойылды
Қазақстан Республикасының 2001 жылғы 23 қаңтардағы «Халықты жұмыспен қамту туралы» Заңының 7, 20 баптарына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31 бабына сәйкес, Қазақстан Республикасы Үкіметінің 2001 жылғы 19 маусымдағы № 836 «Қазақстан Республикасының 2001 жылғы 23 қаңтардағы «Халықты жұмыспен қамту туралы» Заңын іске асыру жөніндегі шаралар туралы» қаулысы негізінде, сонымен қатар жұмыссыз азаматтардың уақытша жұмыспен қамтылуын қамтамасыз ету мақсатында Көкшетау қаласының әкімдігі ҚАУЛЫ ЕТЕДІ:
1. 2011 жылы Көкшетау қаласында қоғамдық жұмыстары ұйымдастырылсын.
2. Мемлекеттік мекемелер мен кәсіпорындардың қажеттіліктеріне сәйкес Көкшетау қаласы ұйымдарының қоса беріліп отырған тізбесі, қоғамдық жұмыстардың түрлері, көлемі мен нақты жағдайы, еңбек ақысының мөлшері және оларды қаржыландыру көздері бекітілсін.
3. «Көкшетау қаласының жұмыспен қамту және әлеуметтік бағдарламалар бөлімі» мемлекеттік мекемесіне Қазақстан Республикасының Еңбек Кодексінің 28 бабына сәйкес еңбек шартын жасау ұсынылсын.
4. «Көкшетау қаласының жұмыспен қамту және әлеуметтік бағдарламалар бөлімі» мемлекеттік мекемесі жұмыссыз адамдарды қоғамдық жұмыстарға тіркелген күніне сәйкес, кезек тәртібімен ұйымдардың өтінімі бойынша жұмыссыздардың белгіленген санының және бұл мақсатқа бөлінген қаражат шегінде жіберсін.
