«Болашақ» халықаралық стипендиясын іске асыру жөніндегі кейбір шаралар туралы
Қазақстан Республикасы Білім және ғылым министрінің 2011 жылғы 17 мамырдағы № 191 бұйрығы
(2011.31.08. берілген өзгерістермен)
«Шетелде кадрлар даярлау жөніндегі республикалық комиссия туралы» Қазақстан Республикасы Президентінің 2000 жылғы 12 қазандағы № 470 Жарлығын, «Қазақстан Республикасы Президентінің «Болашақ» халықаралық стипендиясын тағайындау үшін үміткерлерді іріктеу ережесін бекіту туралы» Қазақстан Республикасы Үкіметінің 2008 жылғы 11 маусымдағы № 573 қаулысын іске асыру мақсатында, сондай-ақ Қазақстан Республикасы Президентінің «Болашақ» халықаралық стипендиясын іске асыру бойынша жұмысты жетілдіру мақсатында БҰЙЫРАМЫН:
1. Осы бұйрыққа 1-қосымшаға сәйкес 2011 жылғы Қазақстан Республикасы Президентінің «Болашақ» халықаралық стипендиясы шеңберінде шетелде оқуға арналған мәндес мамандықтар тізбесі бекітілсін.
ҚР Білім және ғылым министрінің 2011.31.08. № 375 бұйрығымен 2-тармақ өзгертілді (бұр.ред.қара)
2. Қазақстан Республикасы Президентінің «Болашақ» халықаралық стипендиясын тағайындау конкурсына қатысу үшін үміткерлердің құжаттарын қабылдаудың және 2011 жылы осы конкурсты өткізудің мына мерзімдері белгіленсін:
1) құжаттарды қабылдау - 2011 жылғы 1 маусымнан 15 шілдеге дейін;
2) квоталар бойынша құжаттарды қабылдау - 2011 жылғы 1 маусымнан 29 шілдеге дейін;
2-1) квота бойынша мемлекеттік ғылыми-зерттеу ұйымдарының, мемлекеттік білім беру ұйымдарының ғылыми немесе педагог қызметкерлері үшін құжаттар қабылдау - 2011 жылғы 1 маусымнан 15 қыркүйекке дейін;
3) конкурс өткізу - 2011 жылғы 20 маусымнан 2012 жылғы 31 қаңтарға дейін.
