Қазақстан Республикасы
Үкіметінің
2011 жылғы 12 мамырдағы
№ 501 қаулысымен
бекітілген
ҚР Үкіметінің 2012 жылғы 30 қарашадағы № 1519 Қаулысымен күші жойылды
«Қосылған құн салығын төлеушілерді тіркеу есебі және тіркеу есебінен алып тастау»
мемлекеттік қызмет стандарты
1. Жалпы ережелер
1. «Қосылған құн салығын төлеушілерді тіркеу есебі және тіркеу есебінен алып тастау» мемлекеттік қызметін (бұдан әрі - мемлекеттік қызмет) Қазақстан Республикасы салық органдарының ақпаратты қабылдау және өңдеу орталықтары көрсетеді.
Қазақстан Республикасы салық органдарының ақпаратты қабылдау және өңдеу орталықтарының (бұдан әрі - Орталық) мекенжайлары осы стандартқа 1-қосымшада келтірілген.
2. Мемлекеттік қызмет автоматтандырылмаған.
3. Мемлекеттік қызмет «Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінің (Салық кодексі) 20-бабы 1-тармағының 21) тармақшасы, 563, 568-571-баптарының негізінде көрсетіледі.
4. Мемлекеттік қызмет туралы ақпаратты Қазақстан Республикасының Қаржы министрлігі Салық комитетінің интернет-ресурсынан www.salyk.kz мекенжайы бойынша, сондай-ақ салық заңнамасын түсіндіру бойынша Call-орталығына 8 (7172) 58-09-09 телефоны бойынша өтініш жасай отырып алуға болады.
Мемлекеттік қызмет стандарты:
1) Қазақстан Республикасы Қаржы министрлігі Салық комитетінің интернет-ресурсында www.salyk.kz мекенжайы бойынша «Салық комитеті» бөлімінің «Салықтық қызметтерді көрсету стандарттары» кіші бөлімінде;
2) салық органдарының ақпараттық стенділерінде орналастырылған.
5. Көрсетілетін мемлекеттік қызметтің нәтижесі:
1) қосылған құн салығы (бұдан әрі - ҚҚС) бойынша тіркеу есебіне қою кезінде - белгіленген нысандар бойынша ҚҚС бойынша куәлікті немесе ҚҚС бойынша тіркеу есебіне қоюдан бас тарту туралы шешімді беру;
2) ҚҚС куәлігін ауыстыру кезінде - ҚҚС куәлігі;
3) ҚҚС бойынша тіркеу есебінен шығару кезінде - ҚҚС бойынша тіркеу есебінен шығару немесе ҚҚС бойынша тіркеу есебінен шығарудан бас тарту болып табылады.
