Қазақстан Республикасы
Үкіметінің
2011 жылғы 12 мамырдағы
№ 501 қаулысымен
бекітілген
ҚР Үкіметінің 2012 жылғы 30 қарашадағы № 1519 Қаулысымен күші жойылды
«Салық берешегінің, міндетті зейнетақы жарналары, әлеуметтік аударымдар бойынша берешегінің жоқ
(бар) екені туралы мәліметтер, дербес шоттан үзінді көшірме беру»
мемлекеттік қызмет стандарты
1. Жалпы ережелер
1. «Салық берешегінің, міндетті зейнетақы жарналары, әлеуметтік аударымдар бойынша берешегінің жоқ (бар) екені туралы мәліметтер, дербес шоттан үзінді көшірме беру» мемлекеттік қызметін (бұдан әрі - мемлекеттік қызмет) Қазақстан Республикасы салық органдарының ақпаратты қабылдау және өңдеу орталықтары көрсетеді.
Қазақстан Республикасының салық органдарының ақпаратты қабылдау және өңдеу орталықтарының (бұдан әрі - Орталық) мекенжайлары осы стандартқа 1-қосымшада келтірілген.
2. Мемлекеттік қызмет ішінара автоматтандырылған.
3. Мемлекеттік қызмет «Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінің (Салық кодексі) 13-бабы 1-тармағының 7)-8) тармақшалары, 598-бабының 1-тармағы, 20-бабы 1-тармағының 15) және 21) тармақшалары негізінде көрсетіледі.
4. Мемлекеттік қызмет туралы ақпаратты Қазақстан Республикасының Қаржы министрлігі Салық комитетінің интернет-ресурсынан www.salyk.kz мекенжайы бойынша, сондай-ақ салық заңнамасын түсіндіру бойынша Call-орталығына 8 (7172) 58-09-09 телефоны бойынша өтініш жасай отырып алуға болады.
Мемлекеттік қызмет стандарты:
1) Қазақстан Республикасы Қаржы министрлігі Салық комитетінің интернет-ресурсында www.salyk.kz мекенжайы бойынша «Салық комитеті» бөлімінің «Салықтық қызметтерді көрсету стандарттары» кіші бөлімінде;
2) салық органдарының ақпараттық стенділерінде орналастырылған.
5. Көрсетілетін мемлекеттік қызметтің нәтижесі:
