Қазақстан Республикасы
Білім және ғылым министрінің
2011 жылғы 15 шілдедегі № 313
бұйрығымен бекітілген
ҚАЗАҚСТАН РЕСПУБЛИКАСЫНЫҢ МЕМЛЕКЕТТІК ЖАЛПЫҒА
МІНДЕТТІ БІЛІМ БЕРУ СТАНДАРТЫ
ЖОҒАРЫ ОҚУ ОРНЫНАН КЕЙІНГІ БІЛІМ БЕРУ
МАГИСТРАТУРА
6М101000 «Әскери және мемлекеттік басқару» мамандығы
Мазмұны
1 Қолдану саласы
Бұл стандарт магистратураның білім беру бағдарламасы мазмұнының міндетті минимумына және оны 6М101000 «Әскери және мемлекеттік басқару» мамандығы бойынша бітірушілерді даярлау деңгейіне қойылатын талаптарды белгілейді.
Стандарттың ережелері көрсетілген мамандық бойынша магистрлерді даярлауды жүзеге асырушы Қазақстан Республикасының жоғары оқу орындарымен, олардың ведомстволық бағыныштылығына немесе ұйымдық-құқықтық түрлеріне қарамастан, орындауға және қолдануға міндетті.
Стандартты мемлекеттік басқару органдары, аккредиттеу органдары, білім ұйымдарын лицензиялау және аттестаттау комиссиялары, мамандықтар бойынша оқу-әдістемелік бірлестіктер (кеңестер), тапсырыс берушілер мен жұмыс берушілер қолдана алады және магистрді дайындаудың сапасын сараптауда, жоғары оқу орындарында көрсетілген магистрлік дайындығының мамандығы бойынша оқуды тоқтату немесе жетілдіру жөнінде ұсыныстар әзірлеуде, біліктілік сипаттамалары, оқу жоспарлары мен оқу бағдарламаларын әзірлеуде негіз болып табылады.
