Қазақстан Республикасы Бас прокуратурасының Нормашығармашылық қызметі саласын қадағалау жөніндегі басқарма туралы ережені бекіту туралы
Қазақстан Республикасы Бас Прокурорының 2011 жылғы 24 тамыздағы № 76 бұйрығы
Нормашығармашылық қызметке қатысуы бойынша Қазақстан Республикасы прокуратура органдарының жұмыстарын ұйымдастыруды одан әрі жетілдіру мақсатында, Қазақстан Республикасының «Прокуратура туралы» Заңының 11-бабын басшылыққа алып, БҰЙЫРАМЫН:
1. Ұсынылып отырған Қазақстан Республикасы Бас прокуратурасының Нормашығармашылық қызметі саласын қадағалау жөніндегі басқарма туралы ереже бекітілсін.
2. Қазақстан Республикасы Бас Прокурорының 2010 жылғы 21 қыркүйектегі «Заң шығармашылық қызметі саласын қадағалау жөніндегі басқарма туралы ережені бекіту туралы» № 58 бұйрығының күші жойылды деп танылсын.
3. Қазақстан Республикасы Бас прокурорының орынбасарлары, Қазақстан Республикасының Бас прокуратурасы құрылымдық бөлімшелерінің, Қазақстан Республикасы Бас прокуратурасының Құқықтық статистика және арнайы есепке алу комитетінің, Қазақстан Республикасының Бас прокуратурасы жанындағы С. Есқараев атындағы прокуратура органдары кадрларының біліктілігін арттыру, заңдылық және құқықтық тәртіп проблемаларын зерделеу институтының басшылары бұйрықпен таныстырылсын, көшірмелері Бас әскери прокурорға, облыстық және оларға теңестірілген прокурорларға назарға алу үшін жолдансын.
4. Осы бұйрықтың орындалуын бақылау Қазақстан Республикасы Бас Прокурорының Бірінші орынбасары И.Д. Меркельге жүктелсін.
| Қазақстан Республикасының Бас Прокуроры | А. Дауылбаев |
Қазақстан Республикасы
Бас Прокурорының
2011 жылғы 24 тамыздағы
№ 76 бұйрығымен
бекітілді
Қазақстан Республикасы Бас прокуратурасының Нормашығармашылық қызметі
саласын қадағалау жөніндегі басқарма туралы
ереже
1. Жалпы ережелер
1. Қазақстан Республикасы Бас прокуратурасының Нормашығармашылық қызметі саласын қадағалау жөніндегі басқарма (1-ші Басқарма) Бас прокуратураның дербес құрылымдық бөлімшесі болып табылады.
