Қазақстан Республикасы
Төтенше жағдайлар министрінің
2008 жылы 18 қыркүйекте
№ 172 бұйрығымен
бекітілген
Осы редакция 2009 жылғы 21 қазанда енгізілген өзгерістеріне дейін қолданылды
Мыс қорыту өндірісіндегі өнеркәсіптік
қауіпсіздік талаптары
(2009.27.07. берілген толықтырулармен)
1-тарау. Жалпы талаптар
2-тарау. Өндірістік алаңдарға, ғимараттарға, құрылыстар мен жайларға қойылатын талаптар
3-тарау. Бастапқы материалдарға, дайындалған және жартылай дайын өнімдерге қойылатын талаптар
4-тарау. Бастапқы материалдарға, дайындалған, жартылай дайын мен дайын өнімдерді сақтау және тасымалдау тәсілдеріне қойылатын талаптар
5-тарау. Өндірістік жабдықтарға, оның орналасуына, жөнделуіне және қауіпсіз еңбек шарттарын жасауға қойылатын талаптар
6-тарау. Технологиялық бөлім. Жалпы талаптар
7-тарау. Жарықтандыру. Сигнализация және байланыс
8-тарау. Жылыту, сумен қамтамасыз ету және кәріздер жүйесі
9-тарау. Жұмыскерлердің қорғау құралдарын қолдануына қойылатын талаптар
1-тарау. Жалпы талаптар
1. Мыс қорыту өндірісіндегі өнеркәсіптік қауіпсіздік талаптары (бұдан әрі-Талап) мыс өндірісін жобалауға, құрылысын салуға, пайдалануға, қайта салуға, кеңейтуге, техникалық қайта жабдықтауға, тоқтатуға, жоюға қатысты қолданылады.
2-тарау. Өндірістік алаңдарға, ғимараттарға, құрылыстар мен жайларға қойылатын талаптар
2. Мысты алу жөніндегі өндірістің алаңы жақсы жабдықталған және таза болады. Жазғы мезгілде өту жолдары мен өту жерлеріне су себіледі, ал қысқы мезгілде мұз бен қардан тазаланады.
3. Ұйымға қарасты құрылыстар, темір жолдар, жылжымалы құрам, байланыс, темір жол көліктерінің дабылдары мен бұғаттағыштары Көлік және коммуникация министрінің 2000 жылғы 17 ақпандағы № 109-1 бұйрығымен бекітілген Қазақстан Республикасының темір жолдарын техникалық пайдалану талаптарына сәйкес келеді.
4. Тротуарлардың және автомобиль жолдарының темір жолдармен қиылысқан жерлерінде өту жерлері мен өту жолдары жасалынады.
