Қазақстан Республикасы Ішкі істер министрлігінің жоғары оқу орындарын мамандандыру туралы
Қазақстан Республикасы Ішкі істер министрінің милиция генерал-майорының 2011 жылғы 18 шілдедегі № 349 бұйрығы
«Қазақстан Республикасының ішкі істер органдары туралы» Қазақстан Республикасы Заңының 21-бабына сәйкес және Қазақстан Республикасы Ішкі істер министрлігінің (бұдан әрі - ІІМ) жоғары оқу орындарында мамандарды даярлаудың практикалық бағытын күшейту мақсатында БҰЙЫРАМЫН:
1. Қоса беріліп отырған ІІМ жоғары оқу орындарын күндізгі оқыту нысаны бойынша мамандандыру тізбесі бекітілсін, ІІМ орталық аппараты қызметтері оларға куратор ретінде белгіленсін.
2. ІІМ Кадр жұмысы департаменті:
1) 2011/2012 оқу жылынан бастап бекітілген мамандандыруға сәйкес ІІМ жоғары оқу орындарында мамандар даярлауды;
2) орталық аппараттың куратор-қызметтері мен ІІМ жоғары оқу орындарының қызметін үйлестіруді қамтамасыз етсін.
3. ІІМ комитеттерінің төрағалары және департаменттерінің бастықтары:
1) ІІМ жоғары оқу орындарына мамандар даярлауда тұрақты практикалық және әдістемелік көмек көрсетсін;
2) ІІМ жоғары оқу орындарына арнайы және әдістемелік әдебиет, ішкі істер органдарының қызметін реттейтін нормативтік құқықтық актілерді ұдайы жіберсін.
