Республикалық бюджет қаражатының есебінен қаржыландырылатын тегін медициналық көмектің кепілдік берілген көлемінің шеңберінде сапа мен көлемі бақылауға жататын жағдайларды автоматтандырылған таңдауға арналған тізбелерді, клиникалық-шығынды топтардың, медициналық манипуляциялар мен араласулардың тізбелерін бекіту туралы
Қазақстан Республикасы Денсаулық сақтау Министрінің 2012 жылғы 13 қаңтардағы № 13 бұйрығы
Осы редакция 2012 жылғы 27 қаңтарда енгізілген өзгерістеріне дейін қолданылды
«Бюджет қаражаты есебінен қаржыландырылатын денсаулық сақтау ұйымдарының шығындарын өтеу ережесін бекіту туралы» Қазақстан Республикасы Үкіметінің 2009 жылғы 7 желтоқсандағы № 2030 қаулысына сәйкес БҰЙЫРАМЫН:
1. Мыналар:
1) осы бұйрыққа 1-қосымшаға сәйкес терапиялық жағдайларды емдеудің клиникалық-шығынды топтарының тізбесі;
2) осы бұйрыққа 2-қосымшаға сәйкес хирургиялық жағдайларды емдеудің клиникалық-шығынды топтарының тізбесі;
3) осы бұйрыққа 3-қосымшаға сәйкес клиникалық-шығынды топтардың салмақтық коэффициенттерінің тізбесі;
4) осы бұйрыққа 4-қосымшаға сәйкес медициналық манипуляциялар мен араласулардың тізбесі;
5) республикалық бюджет қаражаты есебінен қаржыландырылатын тегін медициналық көмектің кепілдік берілген көлемінің шеңберінде сапа мен көлемі бақылауға жататын жағдайларды «Стационарлық науқастардың электрондық тіркелімінде» автоматтандырылған таңдауды жүзеге асыру үшін оныншы қарау (бұдан әрі - АХЖ-10) денсаулығына байланысты аурулардың және проблемалардың халықаралық статистикалық жіктемесіне сәйкес аурулардың тізбелері:
осы бұйрыққа 5-қосымшаға сәйкес емдеу мерзімдері бойынша ауытқуы кемінде 30%-бен АХЖ-10 сәйкес орташа болудың қалыптасқан мәндерінің тізбесі;
осы бұйрыққа 6-қосымшаға сәйкес қысқа мерзімді болу (3 күнге дейін) негізді болып табылатын АХЖ-10 сәйкес аурулардың тізбесі;
осы бұйрыққа 7-қосымшаға сәйкес АХЖ-10 байлауларымен АХЖ-9 сәйкес (клиникалық түрлендірумен) операциялардың тізбесі.
