«Сыбайлас жемқорлыққа қарсы күрес туралы» Қазақстан Республикасы Заңының қолданылуын прокурорлық қадағалау жағдайы туралы мәліметтер» статистикалық есебін және оның құрылуы жөніндегі Нұсқаулықты бекіту туралы» Қазақстан Республикасы Бас Прокурорының 2003 жылғы 25 қарашадағы № 66 бұйрығына өзгерістер мен толықтырулар енгізу туралы
Қазақстан Республикасы Бас Прокурорының 2011 жылғы 30 қыркүйектегі № 90 бұйрығы
ҚР Бас Прокурорының 2015 жылғы 4 желтоқсандағы № 139 бұйрығымен күші жойылды
Сыбайлас жемқорлыққа қарсы күрес туралы статистикалық есепті жетілдіру мақсатында, Қазақстан Республикасының «Прокуратура туралы» 1995 жылғы 21 желтоқсандағы Заңының 11-бабының 4-1) тармақшасын басшылыққа ала отырып, БҰЙЫРАМЫН:
1. «Сыбайлас жемқорлыққа қарсы күрес туралы» Қазақстан Республикасы Заңының қолданылуын прокурорлық қадағалау жағдайы туралы мәліметтер» статистикалық есебін және оның құрылуы жөніндегі Нұсқаулықты бекіту туралы» Қазақстан Республикасы Бас Прокурорының 2003 жылғы 25 қарашадағы № 66 бұйрығына келесі өзгерістер мен толықтырулар енгізілсін:
бұйрықтың 1-қосымшасын осы бұйрықтың 1-қосымшасына сәйкес 8-кестемен толықтырылсын;
2-қосымшада:
12-тармақтың төртінші абзацы келесі редакцияда жазылсын:
«10-13 жолдарда азаматтардың өтініштерін шешу нәтижесімен қаралған ұсыныстар, орындалған ұйғарымдар, қанағаттандырылған наразылықтар мен талаптар туралы мәліметтер көрсетіледі. Ары қарай 14-15 жолдарда тәртіптік, тәртіптік және әкімшілік жауапкершілікке тартылған тұлғалардың саны туралы мәліметтер бейнеленеді. 16-жолда тексерулер нәтижесімен қозғалған барлық қылмыстық істер ескеріледі. Оның ішінде 17-жолда барлық сотталғандар. Өтініштерді талапқа сай емес қарап прокурорлармен жауапкершілікке тартылғандардың барлығы 18-жолда бейнеленеді.»;
келесі редакциядағы 13-тармақпен толықтырылсын:
«13. 8-кесте (есепке қоса берілген № 8-нысан) прокурорлар қызметінің заңдарды жариялау мен түсіндіруін көрсетеді.
