«Мемлекеттік мүлік туралы» Қазақстан Республикасының 2011 жылғы 1 наурыздағы Заңын іске асыру жөніндегі шаралар туралы
Қазақстан Республикасы Премьер-Министрінің 2011 жылғы 18 сәуірдегі № 49-ө Өкімі
Осы редакция 2012 жылғы 9 сәуірде енгізілген өзгерістеріне дейін қолданылды
1. Қоса беріліп отырған «Мемлекеттік мүлік туралы» Қазақстан Республикасының 2011 жылғы 1 наурыздағы Заңын іске асыру мақсатында қабылдануы қажет нормативтік құқықтық актілердің тізбесі (бұдан әрі - тізбе) бекітілсін.
2. Қазақстан Республикасының мемлекеттік органдары:
1) тізбеге сәйкес белгіленген мерзімде нормативтік құқықтық актілердің жобаларын әзірлесін және Қазақстан Республикасының Үкіметіне бекітуге енгізсін;
2) «Мемлекеттік мүлік туралы» Қазақстан Республикасының Заңы (бұдан әрі - Заң) қолданысқа енгізілген күннен бастал алты ай мерзімде мемлекеттік мүлік бойынша қабылданған нормативтік құқықтық актілерді Заңға сәйкес келтірсін және қабылданған шаралар туралы Қазақстан Республикасының Үкіметін хабардар етсін.
3. Облыстардың, Астана және Алматы қалаларының әкімдері:
1) бір ай мерзімде Заңды іске асыру мақсатында қабылдануы қажет нормативтік құқықтық актілердің жобаларын әзірлесін және бекітсін;
2) Заң қолданысқа енгізілген күннен бастап алты ай мерзімде мемлекеттік мүлік бойынша қабылданған нормативтік құқықтық актілерді Заңға сәйкес келтірсін және қабылданған шаралар туралы Қазақстан Республикасы Экономикалық даму және сауда министрлігін хабардар етсін.
4. Осы өкімнің орындалуын бақылау Қазақстан Республикасының Премьер-Министрі Кеңсесінің Басшысы Ғ.Р. Әбдірахымовқа жүктелсін.
| Премьер-Министр | К. Мәсімов |
Қазақстан Республикасы
Премьер-Министрінің
2011 жылғы 18 сәуірдегі
№ 49-ө өкімімен
бекітілген
«Мемлекеттік мүлік туралы» Қазақстан Республикасының 2011 жылғы 1 наурыздағы Заңын іске асыру мақсатында
қабылдануы қажет Қазақстан Республикасының нормативтік құқықтық актілерінің
тізбесі
