Қазақстан Республикасы Апаттар медицинасы қызметі туралы Ережені бекіту туралы
Қазақстан Республикасы Төтенше жағдайлар министрінің 2010 жылғы 13 қазандағы № 354 Бұйрығы
ҚР Ішкі істер министрінің 2015 жылғы 4 желтоқсандағы № 993 бұйрығымен күші жойылды
«Халық денсаулығы және денсаулық сақтау жүйесі туралы» 2009 жылғы 18 қыркүйектегі Қазақстан Республикасының Кодексінің 12, 51 баптарына, сонымен қатар «Табиғи және техногендік сипаттағы төтенше жағдайлар туралы» 1996 жылғы 5 шілдедегі Қазақстан Республикасы Заңына сәйкес, апаттар медицинасы аясындағы мемлекеттік органдар мен денсаулық сақтау ұйымдарының үйлестіру мен өзара іс-әрекеттерін жетілдіру мақсатында, БҰЙЫРАМЫН:
1. Қоса беріліп отырған Қазақстан Республикасы Апаттар медицинасы қызметі туралы Ережені бекітілсін.
2. Облыстардың, республикалық маңызы бар қаланың және астананың жергілікті денсаулық сақтау басқарма басшылары, «Апаттар медицинасы орталығы» ММ басшылыры табиғи және техногендік сипаттағы төтенше жағдайлар кезіндегі медициналық-санитариялық салдарын жою кезінде осы бұйрықты басшылыққа алсын.
3. Осы бұйрықтың орындалуын бақылауды Қазақстан Республикасы Төтенше жағдайлар вице-министрі В.В. Петровқа жүктелсін.
4. Осы бұйрық қол қойылған күннен бастап күшіне енеді.
Қазақстан Республикасы Төтенше жағдайлар министрі | В. Божко |
Қазақстан Республикасы Денсаулық сақтау министрдің м.а. | Б. Садықов |
Қазақстан Республикасы
Төтенше жағдайлар министрінің
2010 жылғы 13 қазандағы
№ 354 бұйрығымен бекітілген
Қазақстан Республикасы апаттар медицинасы қызметі туралы
Ереже
1. Жалпы ережелер
1. Қазақстан Республикасы апаттар медицинасы қызметі туралы ереже (бұдан әрі - Қызмет) табиғи және техногендік сипаттағы төтенше жағдайлардың (бұдан әрі - төтенше жағдайлар) медициналық-санитариялық салдарын жою және алдын алуға арналған күш пен құралдардың өзара әрекетінің тәртібін анықтайды.
