Қазақстан Республикасы Үкіметі және Ресей Федерациясы Үкіметі арасындағы Ресей Федерациясының «Байқоңыр» кешенін жалға алу шартында Байқоңыр қаласы, Төретам және Ақай ауылдарының тұрғындарына, «Байқоңыр» космодром персоналына медициналық қызмет көрсету тәртібі туралы 2009 жылғы 17 қарашадағы келісімге толықтыру енгізу жөніндегі жұмысшы топтың құрамын бекіту туралы
Қазақстан Республикасы Денсаулық сақтау министрілігі жауапты хатшысының 2012 жылғы 30 наурыздағы № 198 бұйрығы
ҚР Денсаулық сақтау министрінің 2018.10.12. № 696 бұйрығымен күші жойылды
Ресей Федерациясының «Байқоңыр» кешенің жалға алу шартында Байқоныр қаласы, Төретам және Ақай ауылдарының тұрғындарға медициналық қызмет көрсету саласында проблемалық мәселелерді шешу жөнінде Қазақстан Республикасы және Ресей Федерациясы сарапшыларының кездесу хаттамасын орындау үшін (2011 жылғы 6 - 7 желтоқсанда, Байқоңыр) және 2009 жылғы 17 қарашадағы Қазақстан Республикасы Үкіметі мен Ресей Федерациясы Үкіметі арасындағы Ресей Федерациясының «Байқоңыр» кешенін жалға алу шартында Байқоңыр қаласы, Төретам және Ақай ауылдарының тұрғындарына, «Байқоңыр» космодром персоналына медициналық қызмет көрсету тәртібі туралы келісімге (бұдан әрі - Келісім) толықтыру енгізу жөніндегі ұсыныстарды әзірлеу мақсатында БҰЙЫРАМЫН:
1. Осы бұйрыққа қосымшаға сәйкес Келісімге толықтыру енгізу бойынша дайындық жұмыстарын жүргізу жөніндегі жұмысшы топтың құрамы бекітілсін.
2. Жұмысшы топ 2012 жылғы 2 сәуірге дейін және тоқсан сайын есепті айдың 10-күніне дейін Байқоңыр қаласы, Төретам және Ақай ауылдарының тұрғындарына медициналық қызмет көрсету саласында проблемалық мәселелерді шешу жөніндегі жүргізілген жұмыс бойынша есепті жұмысшы топтың басшысына ұсынсын.
