Қазақстан Республикасы Денсаулық сақтау министрлігі мен «ҚазМедТех» акционерлік қоғамының медициналық техниканың лизинг мәселесі бойынша өзара іс-қимыл регламентін бекіту туралы
Қазақстан Республикасы Денсаулық сақтау министрінің 2012 жылғы 13 шілдедегі № 478 бұйрығы
ҚР Денсаулық сақтау министрінің 2013 жылғы 29 шілдедегі № 439 бұйрығымен күші жойылды
«Әкімшілік рәсімдер туралы» Қазақстан Республикасы Заңының 4-бабының 1-тармағына және Қазақстан Республикасы Президентінің 2010 жылғы 29 қарашадағы № 1113 Жарлығымен бекітілген Қазақстан Республикасының денсаулық сақтау саласын дамытудың 2011 - 2015 жылдарға арналған «Саламатты Қазақстан» мемлекеттік бағдарламасын іске асыру шеңберінде «Денсаулық сақтау ұйымдарының шығындарын бюджет қаражатының есебінен өтеу ережесін бекіту туралы» Қазақстан Республикасы Үкіметінің 2009 жылғы 7 желтоқсандағы № 2030 қаулысының 16-тармағына сәйкес БҰЙЫРАМЫН:
1. Қазақстан Республикасы Денсаулық сақтау министрлігі мен «ҚазМедТех» акционерлік қоғамының медициналық техниканың лизинг мәселесі бойынша өзара іс-қимыл регламенті бекітілсін.
2. Осы бұйрықтың орындалуын бақылау вице-министр А.Д. Құрманғалиеваға жүктелсін.
3. Осы бұйрық қол қойылған күнінен бастап күшіне енеді.
| Қазақстан Республикасының Денсаулық сақтау министрі | С. Қайырбекова |
Қазақстан Республикасы
Денсаулық сақтау министрінің
2012 жылғы 13 шілдедегі
№ 478 бұйрығымен бекітілген
Қазақстан Республикасы Денсаулық сақтау министрлігі мен «ҚазМедТех» АҚ-ның
медициналық техниканың лизинг мәселелері бойынша өзара іс-қимыл
регламенті
1. Қазақстан Республикасы Денсаулық сақтау министрлігі мен «ҚазМедТех» АҚ-ның медициналық техниканың лизинг мәселелері бойынша осы өзара іс-қимыл регламенті (бұдан әрі - Регламент) Қазақстан Республикасы Денсаулық сақтау министрлігі мен «ҚазМедТех» акционерлік қоғамының (бұдан әрі - «ҚазМедТех» АК) медициналық техниканың лизинг мәселелері бойынша өзара іс-қимылын регламенттейді.
