Жоғары аттестаттау комиссиясының аттестаттаудан өтетін құқық қорғау органдарының қызметкерлеріне психологиялық әңгімелесу өткізу туралы
Қазақстан Республикасы Денсаулық сақтау министрінің 2012 жылғы 11 мамырдағы № 326 Бұйрығы
ҚР Денсаулық сақтау министрінің 2018.10.12. № 696 бұйрығымен күші жойылды
«Қазақстан Республикасы Президентінің жанындағы Қазақстан Республикасы құқық қорғау органдарының қызметкерлерін кезектен тыс аттестаттаудан өткізу жөніндегі жоғары аттестаттау комиссиясы туралы» Қазақстан Республикасы Президентінің 2012 жылғы 8 сәуірдегі № 292 Жарлығын, «Қазақстан Республикасы құқық қорғау органдарының қызметкерлерін кезектен тыс аттестаттаудан өткізу кезінде психологиялық тұрақтылық деңгейін анықтау бойынша әңгімелесуден өткізу қағидаларын бекіту туралы» Қазақстан Республикасы Бас прокурорының 2012 жылғы 11 мамырдағы № 60, Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі төрағасының 2012 жылғы 11 мамырдағы № 92, Қазақстан Республикасының Ішкі істер министрінің 2012 жылғы 11 мамырдағы № 291, Қазақстан Республикасының Төтенше жағдайлар министрінің 2012 жылғы 8 мамырдағы № 214, Қазақстан Республикасының Қаржы министрінің 2012 жылғы 11 мамырдағы № 248 бірлескен бұйрығын іске асыру мақсатында БҰЙЫРАМЫН:
1. Қоса беріліп отырған:
1) 1-қосымшаға сәйкес «Психологпен әңгімелесу нәтижесі туралы ақпарат» бланкі;
2) 2-қосымшаға сәйкес «Психологпен әңгімелесу нәтижесі туралы ақпарат» бланкін толтыру бойынша нұсқаулық;
3) 3-қосышмаға сәйкес «Әңгімелесу нәтижесі бойынша қорытынды» бланкісі;
4) 4-қосымшаға сәйкес «Әңгімелесу нәтижесі бойынша қорытынды» бланкісін толтыру бойынша нұсқаулық;
5) 5-қосымшаға сәйкес Әңгімелесу нәтижесі бойынша психолог қорытындысын шығару әдіснамасы, (ҚБПҮ);
6) 6-қосымшаға сәйкес Психологиялық әңгімелесуді өткізуге арналған үй-жайды жарақтандыру ережесі және барынша төмен талаптар;
