Алматы облысы әкімдігінің 2014 жылғы 2 маусымдағы № 196 Қаулысымен күші жойылды
Алматы облысы әкімдігінің
2012 жылғы 29 желтоқсандағы
№ 436 қаулысымен бекітілген
«Мектепке дейінгі білім беру ұйымдарына құжаттарды қабылдаужәне балаларды қабылдау»
мемлекеттік қызмет регламенті
1. Негізгі ұғымдар
1.. Осы «Мектепке дейінгі білім беру ұйымдарына құжаттарды қабылдау және балаларды қабылдау» мемлекеттік қызмет көрсету регламентінде (бұдан әрі - Регламент) келесі ұғымдар қолданылады:
1) мемлекеттік қызметті алушы - мектепке дейінгі жастағы баланың заңды өкілі;
2) уәкілетті орган - аудандық (облыстық маңызы бар қалалық) білім бөлімі;
3) уәкілетті орган басшысы - аудандық, қалалық білім бөлімінің бастығы;
4) МДҰ - мектепке дейінгі ұйым.
2. Жалпы ережелер
2.. Осы мемлекеттік қызметтің регламенті Қазақстан Республикасының 200 жылғы 27 қарашадағы «Әкімшілік рәсімдер» Заңының 9-1-бабындағы 4-тармағына сәйкес әзірленді.
3. «Мектепке дейінгі білім беру ұйымдарына құжаттарды қабылдау және балаларды қабылдау» мемлекеттік қызметін (бұдан әрі - мемлекеттік қызмет) барлық типтегі және үлгідегі МДҰ көрсетеді.
4. Көрсетілетін мемлекеттік қызмет нысаны: автоматтандырылмаған.
5. Мемлекеттік қызмет тегін көрсетіледі.
6. Мемлекеттік қызмет Қазақстан Республикасының «Білім туралы» Заңының 6-бабы, 26-бабы, 30-бабы, Қазақстан Республикасы Үкіметінің 2012 жылғы 31 тамыздағы № 1119 қаулысымен бекітілген «Мектепке дейінгі білім беру ұйымдарына құжаттарды қабылдау және балаларды қабылдау» мемлекеттік қызмет стандарты (бұдан әрі - стандарт) негізінде жүзеге асырылады.
7. Мемлекеттік қызмет мектепке дейінгі жастағы балалардың заңды өкілдеріне (бұдан әрі - мемлекеттік қызметті алушы) көрсетіледі.
8. Мемлекеттік қызмет көрсетудің нәтижесі стандарттың 5-тармағына сәйкес.
3. Мемлекеттік қызмет көрсету тәртібіне қойылатын талаптар
