Қазақстан Республикасы мен Атом энергиясы жөніндегі халықаралық агенттік арасындағы Қазақстан Республикасында Атом энергиясы жөніндегі халықаралық агенттіктің Төмен байытылған уран банкін құру туралы келісім жобасын дайындаудың кейбір мәселелері туралы
Қазақстан Республикасы Премьер-Министрінің 2013 жылғы 21 тамыздағы № 145-ө өкімі
Қазақстан Республикасы мен Атом энергиясы жөніндегі халықаралық агенттік арасындағы Қазақстан Республикасында Атом энергиясы жөніндегі халықаралық агенттіктің Төмен байытылған уран банкін құру туралы келісім жобасын (бұдан әрі - Келісім жобасы) дайындау мақсатында:
1. Қоса беріліп отырған Келісім жобасын дайындау жөніндегі ведомствоаралық жұмыс тобының құрамы бекітілсін.
2. Осы өкімге қосымшаға сәйкес Келісім жобасының баптарын дайындауға жауапты Қазақстан Республикасының мемлекеттік органдары мен ұйымдары бекітілсін.
3. Осы өкімнің орындалуын бақылау Қазақстан Республикасы Премьер-Министрінің орынбасары - Қазақстан Республикасының Индустрия және жаңа технологиялар министрі Ә.Ө. Исекешевке жүктелсін.
Премьер-Министр | С. Ахметов |
Қазақстан Республикасы
Премьер-Министрінің
2013 жылғы 21 тамыздағы
№ 145-ө өкімімен
бекітілген
Қазақстан Республикасы мен Атом энергиясы жөніндегі халықаралық агенттік арасындағы
Қазақстан Республикасында Атом энергиясы жөніндегі халықаралық агенттіктің Төмен байытылған уран
банкін құру туралы келісім жобасын дайындау жөніндегі ведомствоаралық жұмыс тобының
құрамы
Исекешев Әсет Өрентайұлы | - Қазақстан Республикасы Премьер-Министрінің орынбасары - Қазақстан Республикасының Индустрия және жаңа технологиялар министрі, жетекші |
Ыдырысов Ерлан Әбілфайызұлы | - Қазақстан Республикасының Сыртқы істер министрі, жетекшінің орынбасары |
Жантикин Тимур Мифтахұлы | - Қазақстан Республикасы Индустрия және жаңа технологиялар министрлігінің Атом энергиясы комитеті төрағасының орынбасары, хатшы |
Қазыханов Ержан Хозеұлы | - Қазақстан Республикасы Президентінің көмекшісі (келісім бойынша) |
Кравченко Андрей Николаевич | - Қазақстан Республикасы Бас Прокурорының орынбасары (келісім бойынша) |
