«Бюджетті атқару жөніндегі уәкілетті органдардың бюджеттік есептілікті жасау және беру ережесін бекіту туралы» Қазақстан Республикасы Қаржы министрінің 2008 жылғы 30 желтоқсандағы № 644 бұйрығына өзгерістер енгізу туралы
Қазақстан Республикасы Қаржы министрінің 2013 жылғы 23 шілдедегі № 356 бұйрығы
ҚР Қаржы министрінің 2014 жылғы 31 шілдедегі № 324 бұйрығымен күші жойылды
БҰЙЫРАМЫН:
Бюджетті атқару жөніндегі уәкілетті органдардың бюджеттік есептілікті жасау және беру ережесін бекіту туралы» Қазақстан Республикасы Қаржы министрінің 2008 жылғы 30 желтоқсандағы № 644 (Қазақстан Республикасының Әділет министрлігінде нормативтік құқықтық кесімдерді мемлекеттік тіркеудің тізіліміне № 5489 болып тіркелген) бұйрығына өзгерістер енгізілсін:
көрсетілген бұйрықпен бекітілген бюджетті атқару жөніндегі уәкілетті органдардың бюджеттік есептілікті жасау және беру ережесінде:
41-тармақтың үшінші және төртінші абзацтары мынадай редакцияда жазылсын:
«кестенiң 4-бағанының сомалары кiрiстердiң 2-санаты бойынша сомадан (1,0 млрд. теңге), бұл - төмен тұрған бюджеттерге берiлген кредиттер бойынша сыйақылар (мүдделер) сомасы және кiрiстердiң 4-санаты бойынша (230,0 млрд. теңге = 70,0 млрд. теңге + 210,0 млрд. теңге - 50,0 млрд. теңге) сомадан, бұл бюджеттiк алымдар ретiнде жоғары тұрған бюджет алған трансферттердiң және жоғары тұрған бюджеттен субвенциялар, нысаналы ағымдағы трансферттер мен нысаналы даму трансферттері (жоғары тұрған бюджеттiң резервiнен алынған трансферттердi қоса алғанда) нысанында төмен тұрған бюджет алған трансферттердiң сомасынан Қазақстан Республикасы Ұлттық қорынан түскен трансферттер сомасын алып тастағандағы сомадан тұрады.
