Алматы қаласы әкімдігінің «Алматы қаласының білім саласындағы мемлекеттік қызметтер регламенттерін бекіту туралы» 2012 жылғы 28 желтоқсандағы № 4/1097 қаулысына өзгерістер енгізу туралы
Алматы қаласы әкімдігінің 2013 жылғы 24 қыркүйектегі № 3/830 Қаулысы
Алматы қаласы әкімдігінің 2014 жылғы 14 шілдедегі № 3/586 Қаулысымен күші жойылды
Қазақстан Республикасының 1998 жылғы 24 наурыздағы «Нормативтік құқықтық актілер туралы» Заңының 21 бабына, 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы», 2013 жылғы 8 қаңтардағы «Қазақстан Республикасының кейбір заңнамалық актілеріне әлеуметтік маңызы бар мемлекеттік қызметтерді оңтайландыру мен автоматтандыру мәселелері бойынша өзгерістер мен толықтырулар енгізу туралы», 2013 жылғы 15 сәуірдегі «Мемлекеттік көрсетілетін қызметтер туралы» Заңдарына сәйкес Алматы қаласының әкімдігі ҚАУЛЫ ЕТЕДІ:
1. Алматы қаласы әкімдігінің «Алматы қаласының білім саласындағы мемлекеттік қызметтер регламенттерін бекіту туралы» 2012 жылғы 28 желтоқсандағы № 4/1097 қаулысына (мемлекеттік тіркеу тізілімінде № 966 болып тіркелген, 2013 жылғы 16 ақпанда «Вечерний Алматы», «Алматы ақшамы» газеттерінде жарияланған) келесі өзгерістер енгізілсін:
кіріспедегі «Қазақстан Республикасының 2000 жылғы 27 қарашадағы № 107 «Әкімшілік рәсімдер туралы» Заңының 9-1 бабына» сөздері «Қазақстан Республикасының 2013 жылғы 15 сәуірдегі «Мемлекеттік көрсетілетін қызметтер туралы» Заңының 16 бабының 1 және 3 тармақтарына» сөздерімен ауыстырылсын;
аталған қаулымен бекітілген:
1) Жалпы білім беретін мектептерде білім алушылар мен тәрбиеленушілердің жекелеген санаттарына тегін тамақтандыруды ұсыну үшін құжаттар қабылдау;
2) Білім туралы құжаттардың телнұсқаларын беру мемлекеттік қызметтер регламенттерінің 1 тармақтарындағы «Қазақстан Республикасының 2000 жылғы 27 қарашадағы № 107 «Әкімшілік рәсімдер туралы» Заңының 9-1 бабының 4 тармағына» сөздері «Мемлекеттік көрсетілетін қызметтер туралы» Заңының 16 бабының 1 және 3 тармақтарына» сөздерімен ауыстырылсын;
