Алматы қаласының білім саласындағы мемлекеттік қызметтер регламенттерін бекіту туралы
Алматы қаласы әкімдігінің 2012 жылғы 28 желтоқсандағы № 4/1097 Қаулысы
(2013.23.09. берілген өзгерістермен)
Алматы қаласы әкімдігінің 2014 жылғы 14 шілдедегі № 3/587 Қаулысымен күші жойылды
Алматы қаласы әкімдігінің 2013.24.09. № 3/830 Қаулысымен кіріспе өзгертілді (бұр.ред.қара)
Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару және өзін-өзі басқару туралы» Заңына, Қазақстан Республикасының 2013 жылғы 15 сәуірдегі «Мемлекеттік көрсетілетін қызметтер туралы» Заңының 16 бабының 1 және 3 тармақтарына сәйкес Алматы қаласының әкімдігі ҚАУЛЫ ЕТЕДІ:
1. Қоса беріліп отырған:
1) «Арнайы жалпы білім беретін оқу бағдарламалары бойынша оқыту үшін мүмкіндіктері шектеулі балалардың құжаттарын қабылдау және арнайы білім беру ұйымдарына қабылдау» мемлекеттік қызмет регламенті;
2) «Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау» мемлекеттік қызмет регламенті;
3) «Мектепке дейінгі білім беру ұйымдарына құжаттарды қабылдау және балаларды қабылдау» мемлекеттік қызмет регламенті;
4) «Аз қамтылған отбасы балаларының қала сыртындағы және мектеп жанындағы лагерьлерде демалуы үшін құжаттарды қабылдау» мемлекеттік қызмет регламенті;
