Алматы қаласы әкімдігінің 2014 жылғы 14 шілдедегі № 3/587 Қаулысымен күші жойылды
Алматы қаласы әкімдігінің
2012 жылғы 28 желтоқсандағы
№ 4/1097 қаулысымен бекітілді
«Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау»
мемлекеттік қызмет регламенті
(2013.24.09. берілген өзгерістермен)
1. Негізгі ұғымдар
1. Осы «Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау» мемлекеттік қызмет регламентінде (бұдан әрі - Регламент) келесі ұғымдар пайдаланылады:
1) мемлекеттік қызмет - мемлекеттік органдардың, олардың ведомстволық бағыныстағы ұйымдары мен өзге де жеке және заңды тұлғалардың мемлекеттік органдардың жекелеген функцияларын іске асыру нысандарының бірі болып табылатын, Қазақстан Республикасының заңнамасында көзделген, жеке және заңды тұлғалардың (мемлекеттік органдарды қоспағанда) қажеттерін қанағаттандыруға бағытталған, жеке-дара сипаттағы әрі жеке және (немесе) заңды тұлғалардың (мемлекеттік органдарды қоспағанда) өтініші бойынша жүзеге асырылатын қызмет;
2) мемлекеттік қызметті алушылар - мемлекеттік қызмет көрсетілетін жеке тұлғалар;
3) уәкілетті орган - мемлекеттік қызмет көрсетуді жүзеге асыратын мемлекеттік орган (мемлекеттік мекеме);
4) қосымша білім беру - білім алушылар мен тәрбиеленушілердің жан-жақты қажеттіліктерін қанағаттандыру мақсатында жүзеге асырылатын тәрбиелеу оқыту үдерісі;
5) қосымша білім беру ұйымы - білім алушылар мен
тәрбиеленушілерге қосымша білім берудің оқу бағдарламаларын іске асыратын оқу-тәрбие ұйымы.
2. Жалпы ережелер
Алматы қаласы әкімдігінің 2013.24.09. № 3/830 Қаулысымен 2-тармақ өзгертілді (бұр.ред.қара)
2. Осы мемлекеттік қызмет Регламенті «Мемлекеттік көрсетілетін қызметтер туралы» Заңының 16 бабының 1 және 3 тармақтарына сәйкес әзірленді.
