Мемлекеттік қызметші емес су жолдары ұйымдарының және Қазақстан Республикасы Көлік және коммуникация министрлігінің «Қазақстан кеме қатынасының тіркелімі» республикалық мемлекеттік қазыналық кәсіпорны қызметкерлерінің мамандықтары бойынша жұмыс өтілін есептеу қағидаларын бекіту туралы
Қазақстан Республикасы Көлік және коммуникация министрінің 2013 жылғы 23 қазандағы № 827 бұйрығы
ҚР Инвестициялар және даму министрінің 2017 жылғы 30 маусымдағы № 407 бұйрығымен күші жойылды
«Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2007 жылғы 29 желтоқсандағы № 1400 қаулысының 4-тармағының 3) тармақшасына сәйкес БҰЙЫРАМЫН:
1. Қоса беріліп отырған Мемлекеттік қызметші емес су жолдары ұйымдарының және Қазақстан Республикасы Көлік және коммуникация министрлігінің «Қазақстан кеме қатынасының тіркелімі» республикалық мемлекеттік қазыналық кәсіпорны қызметкерлерінің мамандықтары бойынша жұмыс өтілін есептеу қағидалары бекітілсін.
2. Мыналардың күші жойылды деп танылсын:
1) «Мемлекеттік қызметші емес су жолдары ұйымдарының және Қазақстан Республикасы Көлік және коммуникация министрлігінің Көлік және қатынас жолдары комитеті «Кеме қатынасының тіркелімі» мемлекеттік мекемесінің жұмыскерлерінің мамандықтары бойынша жұмыс өтілін есептеу ережесін бекіту туралы» Қазақстан Республикасы Көлік және коммуникациялар министрінің 2002 жылғы 8 тамыздағы № 275-І бұйрығы (нормативтік құқықтық актілерді мемлекеттік тіркеудің тізілімінде № 1959 тіркелді);
