Қазақстан Республикасы Статистика агенттігінің «Б» корпусы мемлекеттік әкімшілік лауазымдарына қойылатын біліктілік талаптарын бекіту туралы» Қазақстан Республикасы Статистика агенттігі төрағасының 2013 жылғы 20 желтоқсандағы № 318 бұйрығына өзгерістер енгізу туралы
Қазақстан Республикасы Статистика агенттігі төрағасының 2014 жылғы 11 сәуірдегі № 67 бұйрығы
ҚР Стратегиялық жоспарлау және реформалар агенттігі төрағасының 2025 жылғы 14 сәуірдегі № 2 бұйрығымен күші жойылды
«Мемлекеттік қызмет туралы» Қазақстан Республикасының 1999 жылғы 23 шілдедегі Заңының 13-бабының 5-тармағына, Қазақстан Республикасы Үкіметінің 2004 жылғы 31 желтоқсандағы № 1460 қаулысымен бекітілген Қазақстан Республикасы Статистика агенттігі туралы ереженің 20-тармағының 7) тармақшасына сәйкес, Қазақстан Республикасы Статистика агенттігінің құрылымы өзгеруіне байланысты, БҰЙЫРАМЫН:
1. «Қазақстан Республикасы Статистика агенттігінің «Б» корпусы мемлекеттік әкімшілік лауазымдарына қойылатын біліктілік талаптарын бекіту туралы» Қазақстан Республикасы Статистика агенттігі (бұдан әрі - Агенттік) төрағасының 2013 жылғы 20 желтоқсандағы № 318 бұйрығына (Нормативтік құқықтық актілерді мемлекеттік тіркеу тізілімінде № 9080 болып тіркелген, «Әділет» ақпараттық-құқықтық жүйесінде 2014 жылғы 30 қаңтарда жарияланған) мынадай өзгерістер енгізілсін:
Көрсетілген бұйрықпен бекітілген Агенттіктің «Б» корпусы мемлекеттік әкімшілік қызметшілерінің лауазымдарына қойылатын біліктілік талаптары осы бұйрықтың қосымшасына сәйкес жаңа редакцияда жазылсын.
2. Персоналды басқару қызметі «С» санатына жатқызылған, Агенттіктің «Б» корпусы мемлекеттік әкімшілік лауазымдарының санаттарына қойылатын біліктілік талаптарын келісу үшін Қазақстан Республикасы Мемлекеттік қызмет істері агенттігіне жолдасын.
3. Персоналды басқару қызметі Агенттіктің Заң департаментімен бірлесіп заңнамамен белгіленген тәртіпте:
1) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін;
