Сыра қайнату өнімдерін таңбалау және қадағалау жөніндегі пилоттық жобаның кейбір мәселелері туралы
Қазақстан Республикасы Қаржы министрінің 2024 жылғы 9 ақпандағы № 73 бұйрығы
Қазақстан Республикасы Премьер-Министрінің орынбасары С.М. Жұманғариннің 2023 жылғы 22 қыркүйекте бекіткен Тауарлар қозғалысының барлық кезеңінде (әкелу, өндіру, өткізу) оларды жан-жақты бақылау мақсатында тауарларды таңбалау және қадағалау жүйесін кезең-кезеңімен енгізу жөніндегі 2023-2025 жылдарға арналған кешенді жоспардың 1-тармағына сәйкес БҰЙЫРАМЫН:
1. Мыналар:
1) осы бұйрыққа 1-қосымшаға сәйкес Сыра қайнату өнімдерін таңбалау және қадағалау жөніндегі пилоттық жобаны (бұдан әрі - пилоттық жоба) жүргізудің әдістемелік ұсынымдары;
2) осы бұйрыққа 2-қосымшаға сәйкес пилоттық жобаны іске асыру жөніндегі ұйымдастыру іс-шараларының жоспары (жол картасы) бекітілсін.
2. Қазақстан Республикасы Қаржы министрлігінің Мемлекеттік кірістер комитеті (Ж.Ж. Дүйсембиев):
1) 2024 жылғы 15 ақпаннан бастап 2025 жылғы 31 наурызды қоса алғандағы кезеңде пилотты жүргізуді қамтамасыз етсін;
2) жүргізілген пилоттық жобаның нәтижелері туралы есепті 2025 жылғы 31 наурызға дейінгі мерзімде ұсынсын;
3) осы бұйрықты Қазақстан Республикасы Қаржы министрлігінің интернет-ресурсында орналастырсын.
3. Осы бұйрықтың орындалуын бақылау Қазақстан Республикасының Қаржы вице-министрі Е.Е. Біржановқа жүктелсін.
4. Осы бұйрық қол қойылған күнінен бастап күшіне енеді.
Қазақстан Республикасы
Қаржы министрінің
2024 жылғы 9 ақпандағы
№ 73 бұйрығына
1-қосымша
Сыра қайнату өнімдерін таңбалау және қадағалау жөніндегі пилоттық жобаны жүргізу бойынша
әдістемелік ұсынымдар
1-тарау. Жалпы ережелер
